Ũndũ Ũtonya Kwasya

Kũtũmĩa Wathanthatũ wa Mbee wa Sevutemba Kũmantha Andũ ma Kũmanyĩwʼa Mbivilia

“Andũ aingĩ maĩkĩĩaa kana mũthenya ũmwe Ngai akamasilĩla kwĩanana na meko moo. Wĩĩsilya ata, Mũthenya wa Sila nĩ wa kwendeesya kana nĩ wa kũkĩwa? [Eteela asũngĩe.] Kwoona ũndũ ĩkaseti yĩĩ yĩkwasya.” Nenga mwene nyũmba ĩkaseti ya Sevutemba 1 ya Mnara wa Mlinzi, na ũisoma vamwe nake ũvoo ũla wĩ nthĩnĩ wa kyongo kĩnini kya mbee ĩthangũnĩ ya 16 na vatonyeka mũisoma ĩandĩko yĩmwe. Mũkũlye kana nũkwenda kũtiĩwa makaseti, na ũivanga ũsyoke mũsisye ĩkũlyo yĩla yĩatĩĩe.

Mnara wa Mlinzi Sevutemba 1

“Aka nĩmavathawa na kwonewa kũndũ kwingĩ ĩũlũ wa nthĩ. Ũndũ wa kũmakya nĩ kana, mĩĩkĩĩo ya ndĩni nĩtumĩte kwĩthĩwa kũilyĩ ũu. Wĩĩsilya ata, Ngai kwa wʼo nũthĩnĩkĩaa aka? [Eteela asũngĩe.] Kwoona Mbivilia yaĩtye ata ĩũlũ wa ũndũ aũme maĩlĩte kwĩkalanyʼa na iveti syoo. [Soma Aeveso 5:28, 29.] Ĩkaseti yĩĩ nĩyonanĩtye ũndũ Mbivilia ĩvuanĩtye ĩũlũ wa ũndũ Ngai wonaa aka.”

Amkeni! Sevutemba

“Andũ aingĩ maasya kana kaũ wa nyũkĩlĩa, mĩisyo mĩnene ta ndata nene kũkima nthĩ, kana ũalyũku wa nzeve ikamina thayũ ĩũlũ wa nthĩ. Nũkwĩsilya maũndũ asu mawetawa ta makaumĩla, kana wĩsilya no ngewa sya andũ? [Eteela asũngĩe.] Mbivilia yĩ na wathani ũũ wa kũkiakisya. [Soma Savuli 37:29.] Ĩkaseti yĩĩ nĩyĩeleetye maũndũ amwe ala mawetangawa makaumĩla, na yĩkaweta ũndũ Mbivilia yathanĩte ĩũlũ wa maũndũ ma ĩvinda yĩla yũkĩte.”