Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 9

“Andũ aingĩ nĩmaĩkĩĩaa kana kwĩ alaĩka. We nũĩkĩĩaa ũu? [Eteela asũngĩe.] Alaĩka me vinya mwingĩ nũndũ nĩ syũmbe sya veva, ĩndĩ we nũkwona ta matonya kũtũtetheesya? Mbivilia nũtũtavĩtye ũndũ alaĩka matetheeasya andũ ũmũnthĩ.” Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/09/2014, na mũineenea ũvoo ũla wĩ ungu wa ĩkũlyo ya mbee na mũisoma ĩandĩko o na ethĩwa no yĩmwe. Mũnenge makaseti na mũivanga ũsyoke mũke kũneenea ĩkũlyo yĩla yĩatĩĩe.

MŨSYAĨĨSYA 01/09/2014

YĨTAVANASYA ŨSUMBĨ WA YEOVA

“We nũkwona andũ ta manangĩte nthĩ vyũ? [Eteela asũngĩe.] O na kau mũndũ ndatonya kũseũvya nthĩ ĩno wanangĩte, Mbivilia nĩtũtavĩtye kana Ngai e na ũtonyi na mea ma kũmĩseũvya. Nĩtũĩkĩĩthĩtwʼe ũu nĩ ĩandĩko ya Savuli 65:9. [Soma.] Ĩkaseti yĩĩ ya Mũsyaĩĩsya nĩyonanĩtye ũndũ Ngai ũkaseũvya nthĩ na ũndũ tũtonya kwĩka nĩ kana twĩtanĩa moathimo asu ma ĩvinda yũkĩte. No ngũtiĩe ĩkaseti yĩĩ ũsome?”

Amkeni! Mwei wa 9

“Andũ aingĩ manengawe wĩa mwingĩ mũno nĩ ala mamaandĩkĩte na monaa vate nzĩa matonya kwĩvathana na thĩna ũsu. Asomi maasya kana kwĩthĩwa na wĩa mwingĩ nĩũtuma mũndũ athĩnĩka mũno, na ũu no ũtume awaa kana aũmĩa ngoonĩ. Wĩsilya nĩ kyaũ kĩtonya kũtetheesya mũndũ ekale ate mũvinyĩĩe nĩ maũndũ ala waĩlĩte kwĩka? [Eteela asũngĩe.] Vaa ve na mũsoa wa Mbivilia ũtonya kũũtetheesya kũsũanĩa mũno ũndũ ũsu. [Soma Mũtavanʼya 4:6.] Ĩkaseti yĩĩ nĩyĩeleetye nzĩa inya itonya kũtũtetheesya kũvangĩĩa maũndũ ala ma vata thayũnĩ na tũyĩvathana na kũthĩnĩka kĩlĩko mũno nũndũ wa maũndũ maingĩ ma kwĩka ala tũtonya kwĩthĩwa namo wĩanĩ.”

[Ũvoo ĩũlũ wa visa ĩthangũnĩ ya 4]