Ũndũ Ũtonya Kwasya

Kũtũmĩa Wathanthatũ wa Mbee wa Mwei wa 4 Kũmantha Andũ ma Kũmanyĩwʼa Mbivilia

“Ũmũnthĩ twĩthuthya atũi maitũ masomae Mbivilia. Ĩndĩ andũ aingĩ monaa wĩ ũndũ wĩ vinya kũelewaMbivilia. We wonaa ũu? [Eteela asũngĩe.] Kwoona ũndũ vaa vaĩtye.” Mwonyʼe ĩkaseti ya Mũsyaĩĩsya ya 01/04/2013 ĩthangũ ya ĩtina, na mũineenea ĩkũlyo ya mbee na mũisoma ĩandĩko o na ethĩwa no yĩmwe. Mũkũlye kana nũkwenda kũtiĩwa makaseti, na ũivanga ũsyoke mũke kũneenea ĩkũlyo yĩla yĩatĩĩe. Tũmĩa makaseti ma mĩtũkĩ ala me kĩkundinĩ, na ũisisya Ũthũkũmi wa Ũsumbĩ ũla ũwetete ũndũ matonya kũnenganwe.

MŨSYAĨĨSYA 01/04/2013

“Kĩla mũndũ tũũkomana nake e na mathĩna. Ũu ũtumaa amwe mataelewa kĩeleelo kya thayũ. We ũtonya kwasya nĩ thĩna mwaũ mũnene ũla ũtumaa andũ metethĩwa na ũtanũ? [Eteela asũngĩe.] Mbivilia yathanĩte kana o mĩtũkĩ Ngai akavetanga mathĩna onthe. [Soma Ũvuanʼyo 21:4.] Ĩkaseti yĩĩ yĩneenea wĩkwatyo witũ, na ũndũ tũtonya kwĩthĩwa na kĩeleelo thayũnĩ ũmũnthĩ.”

Amkeni! Mwei wa 4

“Kũkita nthĩnĩ wa mĩsyĩ nĩ thĩna wĩ kĩla vandũ ĩũlũ wa nthĩ. Andũ amwe maasya kana makaũ asu maetawa nĩ kĩthĩo kya mũndũ, ũndũ mũndũ ũeetwe, na kwĩloela sinema syĩ na ũngʼendu. We wĩona kĩtumi kĩnene kĩla kĩetae thĩna ũũ mĩsyĩnĩ nĩ kyaũ? [Eteela asũngĩe.] Mbivilia nĩyonanĩtye ũndũ mũndũũme na kĩveti maĩlĩte kwĩkalanyʼa. [Soma Aeveso 5:33.] Ĩkaseti yĩĩ nĩyĩeleetye ũndũ mĩtwaano ĩmwe ĩtethekete nũndũ wa kũatĩĩa myolooto ya Mbivilia.”