Neenea Ũndũ Ũmwe, Ĩndĩ Tia Makaseti Elĩ

Makaseti maitũ methĩawa na maũvoo me kĩvathũkanyʼo ma kwendeesya. Vandũ va kũneenea maũndũ maingĩ na mwene nyũmba, nĩ ũseo kũneenea ũndũ o ũmwe. Tweethĩwa twĩ metho na twĩsĩ kĩla kĩ makasetinĩ, tũkeethĩwa tũtonya kũnyuva ũndũ ũmwe ũla ũtonya kwendeesya mwene nyũmba kuma makasetinĩ maitũ. Kwa ngelekanyʼo, twoona syĩndũ sya syana sya kũthaũka vala twathi, no tũnyuve kũneenea ũvoo ĩũlũ wa mwĩkalĩle wa mũsyĩ. Ĩla tweethĩa mũndũũme, no tũneenee maũndũ ala mendeeasya aũme aingĩ, ta ũvoo ĩũlũ wa silikalĩ nzeo. O na twaneenea ũndũ ũmwe, twaĩle kũtiĩa mwene nyũmba makaseti elĩ ethĩwa nĩwendeewʼa.