Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 7

“Vakuvĩ kĩla mũndũ ũtũinĩ ũũ no ende kwĩkala myaka mingĩ aitanĩa thayũ. Kwoou no twende kwĩwʼa woni waku ĩũlũ wa ĩkũlyo yĩĩ: Wĩona ata, saenzi na maendeeo ma ũiiti nituma twĩsa kwĩkala tene tene? [Eteela asũngĩe.] Kwoona ũndũ ĩkaseti yĩĩ yaĩtye.” Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/07/2013, na mũineenea ũvoo ũla wĩ uungu wa ĩkũlyo ya mbee na mũisoma ĩandĩko o na ethĩwa no yĩmwe. Mũkũlye kana nũkwenda kũtiĩwa makaseti na mũivanga ũsyoke mũneenee ĩkũlyo yĩla yĩatĩĩe.

Lilikana: Vethĩwe na wonanyʼo wa ũndũ ũũ wa kwasya ũmbanonĩ wa kũthi ũtavanyʼa wa Matukũ 6, Mwei wa 7.

Mũsyaĩĩsya 01/07/2013

“Andũ aingĩ ala tũũneena namo me na ndĩni yoo. Ĩndĩ angĩ metwĩa mai na mũĩkĩĩo na ndĩni. We wonaa ndĩni ata? [Eteela asũngĩe.] Yesũ nĩwatũnengie myolooto ĩla tũtonya kũtũmĩa kũmanya ndĩni ĩla ya wʼo. [Soma Luka 6:44a.] Ĩkaseti yĩĩ nĩyonanĩtye maũndũ mathũku ala ndĩni syĩthĩĩtwe iyĩka. Ĩngĩ nĩsũngĩĩte ĩkũlyo, Ve ndĩni o na ĩmwe ĩtonya kũĩkĩĩwa ũmũnthĩ?”

Amkeni! Mwei wa 7

“Ũmũnthĩ twĩneenaa na atũi maitũ ĩũlũ wa ũndũ ũtũthĩnasya mũno—ũsili ũte wa katĩ. Amwe mokitĩaa ũsili wa katĩ kwa kũlua nduuthĩ. We wĩĩsilya kũlua nduuthĩ, kana kũete ithokoo, ta kũtonya kũseũvya maũndũ? [Eteela asũngĩe.] Kwoona kĩla Mbivilia yaĩtye kĩkaseũvya maũndũ. [Soma Mathayo 6:9, 10.] Ĩkaseti yĩĩ nĩsũngĩĩte ĩkũlyo, Kũlua nduuthĩ kũkaseũvya maũndũ?”

Ũvoo Mũseo Kuma kwa Ngai!

“Ũmũnthĩ twĩneenaa na atũi maitũ ĩũlũ wa ũvoo wa kũkiakisya umĩte Mbivilianĩ. Andũ ala tũũneena namo mesengʼa nĩkĩ Ngai ũekete mathĩna maendeee ethĩwa nũtwendete. We wĩĩsilya Ngai atũmbie tũthĩnae?” Eteela asũngĩe. Vingũa Ĩsomo ya 5. Somai na mũineenea tũlungu twĩlĩ twa mbee na maandĩko ala meekye. Mũkũlye kana nũkwenda kũtiĩwa mbulosua, na mũivanga ũsyoke mũke kũneenea ĩkũlyo yĩla yĩatĩĩe yĩ na langi mũkwatu.