Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 7

“We wĩsilya Ngai onaa mboya sitũ ata? Wĩsilya ta wonaa syĩ sya vata, kana asyĩthukĩĩasya nĩkwĩthĩwa no mboya?” Eteela asũngĩe. Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/07/2014, na mũineenea ũvoo ũla wĩ ungu wa ĩkũlyo ya mbee na mũisoma ĩandĩko o na ethĩwa no yĩmwe. Mũnenge makaseti na mũivanga mũke kũneenea ĩkũlyo yĩla yĩatĩĩe.

Mũsyaĩĩsya 01/07/2014

“We wĩona Ngai ta we ũetae maũndũ mathũku ala mekĩkaa ĩũlũ wa nthĩ nũndũ wa kwĩthĩwa nĩwe mwene vinya wʼonthe? [Eteela asũngĩe, na ĩndĩ mũisoma Yakovo 1:13.] Ĩkaseti yĩĩ nĩyĩeleetye nĩkĩ maũndũ mathũku mekĩkaa, na ũndũ Ngai ũkamina ũthũku na mathĩna.”

Amkeni! Mwei wa 7

“Kĩla ũmwe witũ nũkwatawa kana nũtonya kwĩsa kũkwatwa nĩ ũndũ mũthũku ta mũisyo, ũwau mũthũku, kana kũkwʼĩĩwa nĩ mwendwa. Ĩla maũndũ ta asu maumĩla, we wĩona ve vata wa kũendeea kwĩthĩwa na woni mũseo? [Eteela asũngĩe.] Andũ aingĩ nĩmonete kana Mbivilia nĩtetheeasya andũ kũmĩĩsya mathĩna ta asu. [Soma Alomi 15:4.] Ĩkaseti yĩĩ nĩyĩeleetye ũndũ Mbivilia ĩtonya kũtũtetheesya ĩla twakomana na mathĩna.”