No Ũmathokye?

Ikundinĩ mbingĩ, atavanyʼa amwe maitonya kũtavanyʼa mũno nũndũ wa ũwau kana ũkũũ. (2 Ako. 4:16) We no ũthokye ũmwe wĩthĩawa na mathĩna ta asu ĩla ũkwĩmanyĩsya Mbivilia na mũmanyĩwʼa waku? Ethĩwa mũtavanyʼa ũsu ndatonya kuma nyũmba, no ũvange wĩ na mũmanyĩwʼa waku wa Mbivilia mũkasomee kwake. No ũvange mũkathi nyũmba na nyũmba o ndatĩka mbũthũ wĩ na mũtavanyʼa ta ũsu, kana mũkathi ĩsyokeo yĩmwe kana elĩ? Andũ aingĩ akũũ methĩawa na ũmanyi mwingĩ wa kũtavanyʼa. Kwoou, o naku ũkatetheka kumana na kĩthito kyaku kya kũmatetheesya. (Alo. 1:12) Ĩngĩ, Yeova akakũathima nũndũ wa kwonanyʼa wendo kwa nzĩa ĩno.—Nth. 19:17; 1 Yoa. 3:17, 18.