“Ngai Nũtwonetye Wendo Wake”

5:8, 18, 21

Mũthĩnzĩo wa nthembo ya wovosyo ũla Yeova watũnengie nĩ wa vata mũno nthĩnĩ wa kũthesya ĩsyĩtwa yake, kũĩkĩĩthya kana nĩwe waĩle kũsumbĩka, na kana ũsumbĩki wake nĩwʼo mũseo vyũ. O na nthembo ĩsu ya wovosyo nĩtumaa twĩtĩkĩlĩka methonĩ ma Yeova, na nĩnengae andũ onthe ala mamwĩwʼaa Ngai wĩkwatyo wa ĩvinda ĩseo yũkĩte.

Tũtonya kwonanyʼa ata kana nĩtwonaa mũthĩnzĩo wa nthembo ya wovosyo wĩ wa vata?

• 

  Yĩla tweeyumya na twavatiswa twonanasya kana twĩ na mũĩkĩĩo mũlũmu nthĩnĩ wa nthembo ĩsu ya wovosyo na kana nĩtũkwenda kwĩthĩwa ngalĩko ya Yeova

• 

  Yĩla tweeyumya kũtavanyʼa ũvoo mũseo wa Ũsumbĩ wa Ngai twonanasya kana nĩtwendete andũ o ta Yeova.—Mt 22:39; Yoa 3:16

Nĩ kwa nzĩa ingĩ syĩva ndonya kwonanyʼa kana nĩndũngĩaa Yeova mũvea nũndũ wa mũthĩnzĩo wa nthembo ya wovosyo?