Ĩkala Wĩyũmbanĩtye Mũthyanĩ wa ‘Mĩthenya ya Mũminũkĩlyo’

O ũndũ “mũminũkĩlyo” ũendeee kũthengeea nowʼo mathĩna mekũendeea kwongeleka. (2Ti 3:1; “mwambĩlĩlyo wa woo” maũndũ ma kwĩmanyĩsya kuma Mt 24:8, nwtsty) Mavinda kwa mavinda, andũ ma Yeova nĩmakwataa myolooto ya kũmatetheesya ĩvinda yĩla kweethĩwa mĩisyo nĩ kana maikalikye mathayũ moo mũisyonĩ. Kwoou twenda kũvonokya mathayũ maitũ ĩvinda yũkĩte nĩtwaĩlĩte kwĩthĩwa twĩ ewi kwa kwĩyũmbanyʼa ĩvindanĩ yĩĩ, kĩ-veva na kĩ-mwĩĩ.—Luk 16:10.

• Kwĩyũmbanyʼa kĩ-veva: Ĩthĩwa na mĩvango mĩseo ya kwĩmanyĩsya Mbivilia na kwĩmanyĩsya we mwene. Ĩmanyĩsye nzĩa syĩ kĩvathũkanyʼo sya kũtavanyʼa. Ndũkateleme ethĩwa kwa ĩvinda yĩana ũna ndũkethĩawa ũtonya kũkomana na ana-a-asa na eĩtu-a-asa ma kĩkundi kyenyu. (Isa 30:15) Lilikana kana ndũvathanĩtwʼe na Yeova na Yesũ.—od-SW 176 ¶15-17

• Kwĩyũmbanyʼa kĩ-mwĩĩ: O vamwe na kwĩthĩwa na mĩvuko yĩ na syĩndũ ila sya vata, nũseo tũkombanyʼa syĩndũ ta lĩu ũtonya kwĩkala ĩvinda yĩasa, kĩwʼũ, ndawa, na syĩndũ ingĩ tũtonya kũtũmĩa ũndũ tũkũlwʼa twĩkale mũsyĩ kwa ĩvinda yĩasa tũte kumaala.—Nth 22:3; g17.5-SW 4, 6

ĨLOELEI VITIO YĨ NA KYONGO, NĨWĨYŨMBANĨTYE KWONDŨ WA MŨISYO? NA ĨNDĨ MŨISŨNGĨA MAKŨLYO AA MAATĨĨE:

• Tũtonya kwĩyũmbanyʼa ata kĩ-veva kwondũ wa mũisyo?

• Nĩkĩ nĩ ũndũ wa vata . . .

  • kũĩkĩĩthya kana atumĩa nĩmesĩ vala ũĩ na kana me na namba syaku sya simũ?

  • kwĩthĩwa ũmbanĩtye syĩndũ sya kũtũmĩa ĩvinda yĩu?

  • kũneenea mĩthemba ya mĩisyo ĩla ĩtonya kumĩla na ũndũ mũtonya kwĩka yeethĩwa?

• Nĩ nzĩa syĩva itatũ tũtonya kũtũmĩa kũtetheesya andũ angĩ yĩla makwatwa nĩ mĩisyo?

ĨKŨLYE-Ĩ, ‘Nĩ maũndũ meva ũwau wa COVID-19 ũmanyĩisye ĩũlũ wa kwĩkalaa nĩyũmbanĩtye?’