We Nĩwĩyũmbanĩtye Ũndũ Ithokoo Syumĩla Kĩsionĩ Kyenyu?

O ũndũ mũminũkĩlyo ũendeee kũthengeea, nowʼo ithokoo, imaamai, na kaũ syĩkũendeea kwongeleka. (Ũvu 6:4) Tũtonya kwĩyũmbanyʼa ata kwondũ wa mathĩna asu?

• Ĩyũmbanyʼe kĩ-veva: Nyuva myolooto ĩmwe ya Mbivilia na maũndũ angĩ matonya kũlũlũmĩĩlya mũĩkĩĩo waku nthĩnĩ wa Yeova na ũseũvyo wake, na matonya kũũtetheesya ndũkelikye maũndũnĩ ma siasa. (Nth 12:5; jr-SW 125-126 ¶23-24) Yĩĩ nĩyo ĩvinda ya kũlũlũmĩĩlya ngwatanĩo yitũ vamwe na ana-a-asa kĩkundinĩ.—1Vt 4:7, 8

• Ĩyũmbanyʼe kĩ-mwĩĩ: Ĩthĩwa na syĩndũ ianĩtye sya kũtũmĩa ũndũ kwĩthĩwa na isiĩĩi iũtuma andũ mataumaala. O na ĩngĩ, ĩvange nesa ĩũlũ wa ũndũ ũkwĩka na vala ũũthi ũndũ ũtwʼĩka nũkuma mũsyĩ. Sisya mũvukonĩ waku kana nĩwĩkĩĩte kĩla kĩndũ, na ndũkolwe nĩ kwĩkĩa syĩndũ sya kwĩsũvĩa ta gloves, masiki, o vamwe na mbesa. Ĩthĩwa wĩsĩ ũndũ ũtonya kũneena na atumĩa, na ũyĩĩkĩĩthya kana o namo nĩmesĩ ũndũ matonya kũneena naku.—Isa 32:2; g17.5-SW 3-7

Ithokoo iendeee, ndũkaeke kũvĩtya mbee maũndũ ma kĩ-veva. (Avi 1:10) Ethĩwa ndwĩ na vata wa kuma mũsyĩ, ndũkeke ũu. (Mt 10:16) Woona mũndũ wĩ na vata no ũmũtethye na lĩu na syĩndũ ingĩ ta isu.—Alo 12:13.

ĨLOELEI VITIO YĨ NA KYONGO, NĨWĨYŨMBANĨTYE KWONDŨ WA MŨISYO?, NA ĨNDĨ MŨISŨNGĨA MAKŨLYO AA MAATĨĨE:

• Yeova atonya kũtũtetheesya ata ĩvindanĩ ya mũisyo?

• Tũtonya kwĩka maũndũ meva nĩ kana twĩyũmbanyʼe?

• Tũtonya kũtetheesya ata andũ angĩ ala makwatĩtwe nĩ mĩisyo?