Ũndũ Tũtonya Kwĩthĩwa Atavanyʼa Aseo​—Kũmanyĩsya Amanyĩwʼa Maitũ Ũndũ Matonya Kwĩyũmbanyʼa

NĨKĨ NĨ ŨNDŨ WA VATA: Ĩla amanyĩwʼa ma Mbivilia meeyũmbanyʼa, wĩthĩawa wĩ ũndũ wĩ laisi kũelewa na kũlilikana maũndũ ala twamamanyĩsya. Na o ũndũ maelewa na malilikana maũndũ asu, wĩthĩaa nĩ ũndũ wĩ laisi kwoo kwĩka maendeeo. O na mavatiswa, makeethĩwa maĩle kwĩyũmbanasya kwondũ wa maũmbano na ũtavanyʼa nĩ kana maendeee ‘kũsyaĩĩsya.’ (Mt 25:13) Kwoou, mamanya ũndũ matonya kwĩmanyĩsya na meethĩwa na kĩmanyĩo kya kwĩkaa ũu mateũtĩĩa, makatetheka thayũnĩ woo wʼonthe. Kuma twambĩĩa kwĩmanyĩsya na amanyĩwʼa, nĩtwaĩle kũmatetheesya methĩwe na kĩmanyĩo kya kwĩyũmbanasya kwondũ wa ĩsomo yĩla tũkwĩmanyĩsya.

ŨTONYA KWĨKA ŨU ATA?:

• 

  Ĩthĩwa ngelekanyʼo nzeo. (Alo 2:21) Ĩyũmbanasye ũlilikene mavata ma mũmanyĩwʼa waku. (km 11/15 3) Mwonyʼe ĩvuku yaku one ũndũ ũkululĩĩle

• 

  Mwĩkĩe vinya eyũmbanasye. Mwambĩĩa kwĩmanyĩsya, elesya mũmanyĩwʼa waku kana nĩwaĩle kwĩthĩawa eyũmbanĩtye mũisoma, na ũimũelesya ũndũ ũkatetheka eeka ũu. Mwonyʼe ũndũ ũtonya kũmantha ĩvinda maũndũnĩ make nĩ kana eyũmbanyʼe. Atavanyʼa amwe nĩmanengae amanyĩwʼa ĩvuku yoo yĩla makululĩĩle ĩla meũsoma nĩ kana mamatetheesye mone ũndũ matonya kũtetheka meeyũmbanyʼa. Ethĩwa nĩweethĩa mũmanyĩwʼa waku eyũmbanĩtye mũkathe

• Mwonyʼe ũndũ ũkeyũmbanasya. Vandũ va kũtavya mũmanyĩwʼa ũndũ ũkeyũmbanasya, atavanyʼa amwe nĩmatũmĩaa ĩvinda yĩla meevangĩte kwĩmanyĩsya na mũmanyĩwʼa nĩ kana mamwonyʼe ũndũ ũtonya kũmbanasya kĩla meũsoma