MWĨKALĨLE WA AKLĨSTO
Ĩyonae o Ũndũ Yeova Ũkwonaa
“Yeova nũtanĩaa andũ make.” (Sav 149:4) O na kau twĩ ene naĩ, nĩwonaa nguma sitũ nzeo na maũndũ ala tũtonya kwĩanĩsya ĩvinda yũkĩte. Ĩndĩ mavinda amwe nĩvatonyeka ũkethĩa ithyĩ ene tũikwona nguma isu sitũ nzeo. No twĩthĩwe twonaa ta tũte ma vata nũndũ wa ũndũ andũ ala angĩ matũkuaa. Kana mavinda angĩ nũndũ wa kũsũanĩa mavĩtyo ala tweekie ĩvinda ĩvĩtu, nĩvatonyeka tũkethĩwa na nzika kana kwa wʼo Yeova nũtwendete. Nĩ kyaũ kĩtonya kũtũtetheesya yĩla twambĩĩa kũsũanĩa ũu?
Lilikana kana Yeova onaa o na maũndũ ala andũ matatonya kwona. (1Sa 16:7) Ũu nĩ kwonanyʼa kana onaa o na maũndũ ala tũtatonya kwona nthĩnĩ witũ. Ũndũ wa kwendeesya nĩ kana Mbivilia nĩtũtetheeasya kũmanya ũndũ Yeova ũtwonaa. No tũelewe ũndũ ũsu twasoma mĩsoa ya Mbivilia na ngewa ila ivuanĩtye ũndũ Yeova wendete athũkũmi make.
ĨLOELEI VITIO, ĨKĨĨTHYA NGOO YAKU MBEE WA YEOVA, NA ĨNDĨ MŨISŨNGĨA MAKŨLYO AA:
Ngelekanyʼo ĩla twoona ya kamwana na ĩthe wako, ũla wakakatha nũndũ nĩkasemba kamina, yĩtũmanyĩsya kyaũ ĩũlũ wa ũndũ Yeova ũtwonaa?
Ethĩwa mũndũ ũneekie naĩ ngito nĩwoosa matambya ala maĩle atũngĩĩe ngwatanĩo yake na Yeova, atonya ata kũĩkĩĩthya ngoo yake mbee wa Yeova?—1Yo 3:19, 20
Mwana-a-asa ũla twoona atetheka ata nũndũ wa kũsoma na kũvindĩĩsya ngewa ya Ndaviti na Yeosavati?