Vai Mũndũ Ũtenda Kwĩsa Kũtanĩa Ĩvinda Yũkĩte
We wendaa ĩvinda yũkĩte wĩĩkala ata? Vate nzika, o ta andũ ala angĩ nĩwendaa we na andũ maku mwĩĩkala mwĩ atanu, mwĩ na ũima wa mwĩĩ, mwĩ na mũuo, na mwĩ na malĩ.
Ĩndĩ aingĩ mayonaa ta makesa kwĩkala ũndũ mendete. Nĩmonete maũndũ matataĩĩwe, ta ũwau wa COVID-19, mayumĩla na makatuma maũndũ ma andũ maalamũkana, makatuma andũ methĩwa na mathĩna ma mbesa, na makatuma andũ aingĩ makwʼa. Kĩu kĩtumaa mona ta matesa kũtanĩa thayũ ĩvinda yũkĩte.
Nũndũ andũ mayĩthĩawa mesĩ nesa kĩla kĩtonya kumĩla ĩvinda yũkĩte, nĩmamanthaa na kĩthito kĩla kĩtonya kũmatetheesya metanĩa thayũ. Amwe mekwatasya mavinya matenekee ta ĩvuso. Aingĩ masembanasya na kĩsomo na ũthwii, mayĩsilya kana syĩndũ isu nikamanenga kĩla mekwenda. Namo angĩ monaa kĩla kĩtonya kũmatethya no kwĩthĩwa me andũ aseo tu.
Nĩ ũndũ wĩva katĩ wa asu we ũkwona ũtonya kũũtethya wĩĩkala ũndũ wendaa? Nĩ kana ũmanye, sũanĩa makũlyo aa:
Nĩ kyaũ kĩtusaa ũndũ ũkekala ĩvinda yũkĩte?
Kyo kĩsomo na mbesa no iũtethye?
Kwĩthĩwa mũndũ mũseo tu no kũũtethye?
Nĩ kyaũ kya kwĩkwatwʼa kĩtonya kũũtethya?
Ĩkaseti yĩĩ ya Mũsyaĩĩsya nĩyĩũkũtetheesya kũkwata mosũngĩo ma makũlyo asu.