Maũndũ Ũtonya Kwĩka Ũyĩmanyĩsya We Mwene na Ũthaithinĩ wa Mũsyĩ

Nĩtũmũthaithaa Yeova yĩla twoombana na angĩ maũmbanonĩ ma kĩkundi na maũmbanonĩ manene. O na nĩtũmũthaithaa twĩ ithyoka na twĩ ta mũsyĩ. Vaa ve maũndũ amwe ũtonya kwĩka ũyĩmanyĩsya we mwene na ũthaithinĩ wa mũsyĩ:

• Ĩyũmbanĩsye maũmbano. Ũyĩka ũu, ĩmanyĩsye kwina mbathi na ũitetheesya ala angĩ nthĩnĩ wa mũsyĩ kũmbanyʼa maelesyo.

• Soma ngewa yĩ Mbivilianĩ. Wamina, sola visa wa ũndũ waendeeie ngewanĩ ĩsu kana ũandĩke kĩndũ weemanyĩsya.

• Soma mboya yĩ Mbivilianĩ na ũivindĩĩsya ũndũ ĩtonya kũũtetheesya waĩlangye mboya syaku.

• Ĩloele vitio yĩ jw.org na ũimĩneenea na angĩ kana ũandĩke maũndũ ala weemanyĩsya.

• Ĩyũmbanĩsye ũtavanyʼa. No wĩke wonanyʼo na mũndũ ũngĩ wa mũsyĩ ĩũlũ wa ũndũ ũtonya kũtavanyʼa.

• Ĩloele wũmbi na ũivindĩĩsya kĩla ũkũũmanyĩsya ĩũlũ wa Yeova.a