ĨKĨA KĨTHITO WĨTHIWE MŨTAVANYʼA MŨSEO
Ũndũ Tũtonya Kwĩthĩwa Atavanyʼa Aseo—Kũnengane Makaseti Ũtũmĩĩte Ndeto Syaku
NĨKĨ NĨ ŨNDŨ WA VATA: O na kau maũndũ ma kwasya ala methĩawa kavukunĩ kaa ka kwĩmanyĩsya ka ũmbano no matũtethye ĩla twĩ ũtavanyʼanĩ, asu methĩawa me o maũndũ ma kũtwonyʼa ũndũ tũtonya kũnengane ĩkaseti. Nĩwaĩle kũtũmĩa ndeto syaku. No wone ve vata wa kũtũmĩa nzĩa yĩ kĩvathũkanyʼo kana kyongo kĩngĩ kĩtonya kwendeesya mwene nyũmba mũnango. Veethĩwa vailyĩ ũu, wamina kũsoma ĩkaseti, wasisya maũndũ ma kwasya, na kwona mawonanyʼo ala me vitionĩ, no ũtumĩe maũndũ aa monanĩtwʼe vaa nĩ kana ũseũvye nzĩa yaku ya kũnengane ĩkaseti.
ŨNDŨ ŨTONYA KWĨKA:
Ĩkũlye-ĩ, ‘No nende kũtũmĩa ũmwe wa maũndũ ma kwasya ala monanĩtwʼe vaa?’
ĨĨ
Mantha ndeto sya kwambĩĩa. Mwamina kũkethanyʼa, weta o kwa ũkuvĩ nĩkĩ wamũthokea. (Kwa ngelekanyʼo, no wasye: “Kĩtumi kya kũũthokea nĩ . . . ”)
Vanga ĩkũlyo yĩla ũũmũkũlya, na ĩtina wa ũu ũimantha ũndũ ũkwasya nĩ kana ũmũsomee ĩandĩko, na ĩndĩ ũimantha ndeto ila ũũtũmĩa nĩ kana ũmũnenge ĩkaseti. (Kwa ngelekanyʼo: Wamina kũmũkũlya ĩkũlyo, no ũtũmĩe ndeto ii ũtanamba kũmũsomea ĩandĩko, “Ũsũngĩo wa ĩkũlyo yĩu wĩ ĩandĩkonĩ yĩĩ.”)
AIEE
Nyuva kyongo kĩmwe kĩkwendeeisye ĩkasetinĩ, na ũkwona kĩtonya kwendeesya andũ kĩsionĩ
Mantha ĩkũlyo yĩtonya kũtuma mwene nyũmba asũanĩa na endeewʼa nĩ maũndũ ala mũkwĩthĩwa mũineenea, ĩndĩ ndũkamũkũlye ĩkũlyo ũtasũngĩĩkya. (Kwa ngelekanyʼo, no ũtũmĩe makũlyo ala methĩawa ĩthangũnĩ ya 2 ya ĩkaseti ya Mũsyaĩĩsya.)
Nyuva ĩandĩko yĩla ũũsoma. (Ethĩwa wĩnengane ĩkaseti ya Amkeni!, ti lasima ũkasoma ĩandĩko nũndũ ĩkaseti yĩĩ yumĩtwʼe yĩtetheesye andũ ala me na ũmanyi ũte mwingĩ ĩũlũ wa Mbivilia, kana ala mataĩkĩĩaa ndĩni.)
Vanga ndeto nguvĩ ũtonya kũtũmĩa kũelesya mwene nyũmba ũndũ ũtonya kũtetheka asoma ĩkaseti yĩĩ
NO WĨKE MAŨNDŨ AA ETHĨWA ŨSŨNGĨO NĨ ĨĨ, KANA NĨ AIEE
Vanga ĩkũlyo yĩla ũkamũsũngĩa ĩla wĩsyoka
Andĩka maũndũ maũkũtetheesya kũlilikana kĩla ũkwenda kũthi kũweta wasyoka