Ndiyani Tjose Tjose Unobusa Hango?

TJINOLEBGWA NEBHAYIBHILI

“Mbi ndiye unobusa hango yose.”​—1 UJohane 5:19.

‘Nkololo weNdzimu wakaha kuti apaladze mihingo yadiyabhulosi.’​—1 UJohane 3:8, New Century Version.

IGOKU KUNGAKUTJIDZA TJINI?

Unowhoziba malebeswa kuti ndentha yeni kunadziila muhango.​—ISambulo 12:12.

Unowhoba nemabaka egalabgwe kuti hango yedu inowhohandulwa ibe ngcono.​—1 UJohane 2:17.

TINGAGALABGWE ZWINOLEBGWA NDEBHAYIBHILI KENE?

Tingajalo, ndentha yezwinhu zwitatu:

• Buhe gwaSatani kowhopaladzwa. Yehova unowhopaladza busa kwaSatani. Unothembisa kuti ‘unowhopaladza diyabhulosi’ kakale aduse tjinya kose gwakathamwa ndaSatani.​—KumaHebheru 2:14, New World Translation.

• Ndzimu wakahala Yesu Khristu kuti abuse hango. Yesu hatofanana nda he wehango iyeyi wakayipa kakale anelunya. Elebeleka ndebuhe gwaYesu, Ndzimu unothembisa kuti: “Unowhohwila ngoni bakatebama nebahayi . . . Unowhobasunungula mukutshambidzigwa nebugebenga.”​—IHubo 72:13, 14.

• Ndzimu hatonyepa. Bhayibhili loti: “Azwitothama kuti Ndzimu anyepe.” (KumaHebheru 6:18) Hape Yehova ethembisa kuti unowhothama tjimwe, konga watjithama kale! (U-Isaya 55:10, 11) “He we hango iyeyi unowhodusiwa.”​—UJohane 12:31.