Unokumbula Kuti Buhe GweNdzimu Ini?

TJINOLEBGWA NEBHAYIBHILI

“Ndzimu wekudzimu unowholonga buhe kowhogala nekusingapele.”​—UDanyeli 2:44, New World Translation.

“Tapiwa mwana mbisana; buhe kowhogala mumapfudzi awe.”​—U-Isaya 9:6.

IGOKU KUNGAKUTJIDZA TJINI?

• Unowhowana hulumente wakalulama unowhokutjidza.​—U-Isaya 48:17, 18.

• Unowhowana butjilo gwakanaka muhango tshwa inoha, uhana kakale usingagwale.​—ISambulo 21:3, 4.

TINGAGALABGWE ZWINOLEBGWA NDEBHAYIBHILI KENE?

Tingajalo, ndentha yezwinhu zwibili:

• Yesu wakalakidza kuti Buhe gweNdzimu gowhothamani. Yesu wakadiya badiyi babe kuti batembezele beti Buhe gweNdzimu ngaguhe kakale kuda gweNdzimu kuthamiwe muhango. (UMathewu 6:9, 10) Yesu wakalakidza kuti ntembezelo iwoyu unowhohandugwa tjini.

  Ndelubaka Yesu elipapa muhango, wakapa banhu zwodliwa, kapodza bagwele, kakale kamusa bakafa! (UMathewu 15:29-38; UJohane 11:38-44) Sa He weBuhe gweNdzimu, Yesu wakalakidza kuti Buhe gowhotilani banhu bakalulama.​—ISambulo 11:15.

• Zwinhu zwinotikala muhango ngwenu zolakidza kuti kwasala lubakanyana kuti Buhe gweNdzimu guhe. Yesu wakaleba kutji mbeli kuti Buhe gusanhu gwalezi kunyalala muhango, hango inowhohala ngwa, hala, ndekutengenyeka kwehango.​—UMathewu 24:3, 7.

  Ngwenu tobona zwinhu zwakajalo zwitikala. Tingagalabgwe kuti mulubaka gupedlo Buhe gweNdzimu kowhopedza dziila kose ikoku.