Bakafa Banowhotjila Kakale Kene?

TJINOLEBGWA NEBHAYIBHILI

“Kobe yapo kumuka kwebakafa.”​—ImiSebenzi 24:15, New World Translation.

IGOKU KUNGAKUTJIDZA TJINI?

Nyaladzo hape ufigwa nde hama nebakhwinya.​—2 KwabaseKhorinte 1:3, 4.

Hawutohla fa.​—KumaHebheru 2:15.

Galabgwe kuti unowhobona hama nebakhwinya bakafa.​—UJohane 5:28, 29.

TINGAGALABGWE ZWINOLEBGWA NDEBHAYIBHILI KENE?

Tingajalo, ndentha yezwinhu zwitatu:

• Ndzimu ndiye mpi webutjilo. Bhayibhili loti Yehova Ndzimu ndiye “tsime lebutjilo.” (IHubo 36:9; ImiSebenzi 17:24, 25) Ndzimu ndiye unopa kose butjilo ndentha yayigoku unokwanisa musa nhu akafa.

• Ntolo, Ndzimu wakamusa bakafa. Bhayibhili lotibudza ndebanhu 8 bakamusiwa. Banhu ibaba banohanganisa batukununu, bahola, balume nebakadzi. Bamwe bakabe benalubakanyana bafa, koga umwe wakabe mukumbu kwemahuba mana!​—UJohane 11:39-44.

• Ndzimu unohaka musa bakafa mulubaka gunoha. Yehova unohema fa; unokubona setjita. (1 KwabaseKhorinte 15:26) Unohaka kwazo musa bakafa kakale aduse fa. Unoyemula musa bamunkumbulo uwe ababone betjila kakale muhango.​—UJobe 14:14, 15.