Jó

 2 “Un algen ki ten sabedoria ta respondeba ku argumentu vaziu?*

Ô el ta intxiba se bariga ku béntu lésti?

 3 Koriji algen ku palavras vaziu ka ta sirbi pa nada,

I sô pâpia ka ta djuda na nada.

 4 Pamodi bu ta poi grandi ruspetu pa Deus ta perde valor,

I bu ta poi pesoas ta pensa ménus na Deus.

 5 Pamodi bu pekadu ta disidi kuzê ki bu ta fla,*

I bu ta skodje palavra pa ingana.

 6 É ka mi, é bu própi bóka ki ta kondena-u.

É bu própi bóka ki ta da tistimunhu kóntra bo.

 7 Pur akazu bo é primeru ómi ki nase?

Ô bu nase antis di kes monti?

 8 Pur akazu bu ta obi konbérsu di Deus na séu,

Ô é sô bo ki ten sabedoria?

10 Na nos meiu sta algen di idadi i kes ki ten kabelu branku,

Ómis mutu más bédju di ki bu pai.

11 Pur akazu konsolu di Deus ka ta txiga-u?

Nen kes palavra ki bu sta ta fladu ku amor ka ta txiga-u?

12 Pamodi ki bu sta ta bai tras di bu korason?

I pamodi ki bu sta ta odja-nu ku raiba?

13 Bu sta ku raiba di Deus,

I bu ta dexa kes tipu di palavra li sai di bu própi bóka.

14 Modi ki un sinplis ómi pode ser puru?

Ô modi ki un algen ki nase di un mudjer pode ser justu?

15 El ka ta kunfia na ses anju,*

I nen el ka ta atxa ma séu é puru.

16 Inda más un algen ki é nojéntu i koruptu,

Un ómi ki ta bebe injustisa sima agu!

N sta ben konta-u kuzê ki N odja,

18 Kes kuza ki kes ómi ki ten sabedoria konta,

Ki es resebe di ses gentis grandi i ki es ka sukundi.

19 Téra dadu sô pa es,

I na ses meiu ka pasa ninhun stranjeru.

20 Algen mau ta tormentadu tudu dia.

El ta odja prubléma duránti tudu anu di se vida.

21 Se obidu ta obi barudju ki ta da algen medu.

Na ténpu di pas, bandidu ta ataka-l.

22 El ka ta kridita ma el ta ben skapa di sukuru.

É spada ki ta ben mata-l.

24 Dór i difikuldadi ta pô-l ta fika preokupadu dimás.

Es ta ben kóntra el sima un rei ki sta prontu pa ataka.

25 Pamodi el ta labanta se mô kóntra própi Deus

I el ta tenta dizafia kel Tudu-Poderozu.

26 El é temozu, el ta briga kóntra Deus

Ku se skudu grandi i pizadu.

27 Se róstu sta xeiu di gordura,*

I se anka sta gordu.

28 El ta mora na sidadi ki ta ben distruídu,

Na kes kaza undi ki ningen ka ta ben mora,

Ki ta ben bira un monti di pédra.

29 El ka ta ben fika riku, i se rikéza ka ta ben bira txeu,

Nen kes kuza ki el ten ka ta ben spadja na téra.

30 El ka ta ben skapa di sukuru.

Un lumi ta ben seka se ramu novu.*

Deus* ta ben sopra-l i el ta dizaparse.

31 El ka debe disvia nen kunfia na kuzas ki ka ten valor,

Pamodi é kes kuza ki ka ten valor ki el ta ben resebe.

32 Kel-li ta ben kontise antis di se dia txiga,

I ses ramu nunka ka ta ben da flor.

33 El ta ben ser sima un pé di uva ki ses uva verdi ta kai,

I sima un pé di olivera ki ta perde ses flor.

34 Kes kuza ki kes algen ki ka ten ruspetu pa Deus* ta faze ka ta da rezultadu,

I lumi ta ben kema kes ténda di kes algen ki ta seta subornu.

35 Es ta fika grávida di prubléma i es ta pari kuzas mariadu.

Ses bariga sta xeiu di mintira.”