Salmu

1 Filís é kel ómi ki ka ta sigi konsedju di algen mau,

Ki ka ta poi se pé na kaminhu di pekador

I nen el ka ta xinta djuntu ku kes ki gosta di faze trósa di algen.

 2 Má el gosta txeu di lei di Jeová,

I el ta lé Se lei ku vós baxu* dia ku noti.

 3 El ta bira sima un arvi ki plantadu pértu di undi ki agu ta kóre,

Un arvi ki ta da fruta na se ténpu

I ses folha ka ta seka.

 4 Má kes algen mau é ka si.

Es é sima padja ki ta bai na béntu.

 5 É pur isu ki kes algen mau ta ben kondenadu na julgamentu,

I ninhun pekador ka ta ben sta na meiu di kes algen justu.

 6 Pamodi Jeová ta odja kuzê ki kes algen justu ta faze,

Má kes kuza ki algen mau ta faze ta ben dexa di izisti.