Salmu
Pa diretor di múzika. Salmu di Davidi.
109 Ó Deus ki N ta lova, ka bu fika kaladu,
2 Pamodi kes algen mau i kes mintirozu ta pâpia kóntra mi.
Es ta konta mintira sobri mi.
3 Es ta serka-m ku palavras ki ta mostra ódiu,
I es ta ataka-m sen ninhun motivu.
4 N ta ama-s, má es sta kóntra mi.
Má N ta kontinua ta faze orason.
5 Es ta paga-m ben ku mal
I nha amor ku ódiu.
7 Óras ki el julgadu, pa el fladu ma el é kulpadu.*
Pa ti se orason atxadu ma é un pekadu.
8 Pa se vida dura poku.
Pa otu algen toma se lugar di enkaregadu.
9 Pa ses fidju fika sen pai,*
I pa se mudjer fika viúva.
10 Pa ses fidju fika ta anda ta pidi zimóla,
Pa es sai di ses kaza ki sta distruídu pa djobe kumida.
11 Pa kel algen ki el sta ta debe, toma* tudu kuza ki el ten
I pa kes algen stranhu toma ses kuza.
12 Pa ningen ka trata-l ku bondadi*
I pa ningen ka xinti péna di ses fidju ki ka ten pai.
13 Pa ses disendenti distruídu.
Pa kel jerason ki sta pa ben skese di ses nómi.
14 Pa Jeová lenbra di éru di ses gentis grandi,
I pa el ka paga pekadu di se mai.
15 Pa Jeová lenbra sénpri di kuzê ki es faze,
I pa el kaba ku ses lenbransa di téra.
16 Pamodi kel ómi li ka lenbra di mostra bondadi,
Má el kontinua ta pirsigi i ta mata algen ki staba frontadu, algen póbri
I algen ku korason maguadu.
17 El gostaba di maldísua algen, pur isu kel maldison kai riba di el.
El ka ta krê abensuaba algen, pur isu el ka resebe ninhun benson.
18 Kes maldison ta kubriba el sima un ropa.
Es entra na se korpu sima agu,
Es entra na ses osu sima óliu.
19 Pa kes maldison bira sima ropa ki el ta bisti
I sima sintu ki sénpri el ta poi.
20 É si ki Jeová ta kastiga kel algen ki é kóntra mi
I kes ki ta pâpia mal di mi.*
21 Má abo, ó Jeová, kel Sinhor Más Grandi,
Favor, djuda-m pa bu nómi pode dadu glória.
Libra-m, pamodi bu amor lial é bon.
22 Pamodi N sta dizanparadu i póbri,
I nha korason sta ku frida.
23 N sta sima un sónbra ki ta dizaparse óras ki sol ta kanba.
N mandadu pa lonji sima gafanhotu.
24 Nha juelhu dja bira fraku pamodi N sta faze jejun.
Nha korpu sta magru, N sta ta kaba.*
25 Es fika ta faze-m trósa.
Óras ki es ta odja-m, es ta sakudi kabésa ku disprézu.
26 Ó Jeová, nha Deus, djuda-m.
Salva-m ku bu amor lial.
27 Pa es fika ta sabe ma é bu mô ki faze kel-li.
Ó Jeová, ma é bo ki aji.
28 Dexa-s maldísua algen, má abo, bu ta abensua-m.
Pa es fika na vergónha óras ki es labanta kóntra mi,
Má pa bu sérvu fika kontenti.
29 Pa kes algen ki sta kóntra mi fika na vergónha,
Pa es fika xeiu di vergónha sima si el é ses ropa.*
30 Nha bóka ta ben lova Jeová ku zelu.
N ta ben lova-l dianti di un monti di algen.
31 Pamodi el ta ben difende* algen póbri
Pa salva-l di kes ki ta kondena-l.