Salmu
118 Nhos agradese Jeová, pamodi el é bon.
Se amor lial ta dura pa tudu ténpu.
2 Nton, pa Israel fla:
“Se amor lial ta dura pa tudu ténpu.”
3 Pa kes disendenti di Aron fla:
“Se amor lial ta dura pa tudu ténpu.”
4 Pa kes ki ten grandi ruspetu pa Jeová fla:
“Se amor lial ta dura pa tudu ténpu.”
6 Jeová sta di nha ladu. N ka ta xinti medu.
Kuzê ki ómi pode faze-m?
7 Jeová sta di nha ladu, é el ki ta djuda-m.*
N ta ben odja kes ki ta odia-m ta vensedu.
8 É midjór djobe proteson na Jeová
Di ki kunfia na ómi.
9 É midjór djobe proteson na Jeová
Di ki kunfia na kes prínsipi.
10 Tudu nason serka-m,
Má N pô-s ta fuji
Na nómi di Jeová.
11 Es serka-m, N staba serkadu pa tudu ladu,
Má N pô-s ta fuji
Na nómi di Jeová.
12 Es serka-m sima abelha,
Má es dizaparse faxi sima spinhu na lumi.
N pô-s ta fuji
Na nómi di Jeová.
13 N pintxadu* ku forsa pa N kai,
Má Jeová djuda-m.
14 Jeová é nha proteson i nha forsa,
I el bira nha salvason.
15 Na ténda di kes algen justu
Sta gritu di alegria i salvason.*
Mô direita di Jeová ta mostra se puder.
16 Jeová ta labanta se mô direita pa da sinal di vitória.
Mô direita di Jeová ta mostra se puder.
17 Nau, N ka ta ben móre, N ta ben vive
Pa N pode pâpia di kes kuza ki Jeová faze.
18 Jeová* disiplina-m duru,
Má el ka dexa-m móre.
19 Nhos abri-m kes porton di justisa.
N ta ben entra na es i N ta lova Jeová.
20 Kel-li é porton di Jeová.
Kes algen justu ta ben entra na el.
21 N ta ben lova-u pamodi bu responde-m
I bu bira nha salvason.
23 Kel-li ben di Jeová.
I el é un kuza ki nos odju ta dimira.
24 Kel-li é kel dia ki Jeová marka.
Na kel dia la, nu ta ben fika kontenti i nu ta kanta di alegria.
25 Jeová, nu ta pidi-u, favor, salva-nu!
Jeová, favor, da-nu vitória!
26 Abensuadu é kel ki ta ben na nómi di Jeová.
La di kaza di Jeová, nu ta abênsua nhos.
27 Jeová é Deus.
El ta da-nu lus.
Ku ramu na mô, nhos kunpanha kes ki sta bai pa fésta,
Ti kes txifri di altar.
28 Abo é nha Deus i N ta ben lova-u.
Nha Deus, N ta ben engrandese-u.
29 Nhos agradese Jeová, pamodi el é bon.
Se amor lial ta dura pa tudu ténpu.