Salmu
Kántiku di subida.*
120 Na nha sufrimentu N txoma Jeová,
I el responde-m.
2 Ó Jeová, salva-m* di bóka di kes algen ki ta konta mintira
I di língua falsu.
3 Abo ki ta konta mintira,
Bu sabe kuzê ki Deus ta ben faze ku bo? Bu sabe modi ki El ta ben kastiga-u?*
4 El ta ben kastiga-u ku flexa di un trópa, ki ten pónta gudu.
I ku braza kenti di un arvi.*
5 Ai di mi, pamodi N ten stadu ta vive sima stranjeru na Mezeki!
N sta ta vive na meiu di kes ténda di Kedar.
6 Dja N ten txeu ténpu ta mora
Na meiu di kes algen ki ta ôdia pas.
7 N krê pas, má óras ki N ta pâpia,
Es sta prontu pa briga ku mi.