Salmu
Maskil.* Orason di Davidi kantu el staba na un kavérna.
142 Ku nha vós, N ta txoma Jeová pa el djuda-m.
Ku nha vós, N ta inplora Jeová pa el ten péna di mi.
2 N ta baza nha preokupason se dianti,
N ta pâpia di nha frónta se dianti,
3 Óras ki nha forsa* sta ta kaba.
Nton, bu ta proteje nha kaminhu.
Na kel kaminhu ki N ta anda,
Es ta sukundi armadilha pa mi.
4 Djobe pa nha direita i odja
Ma ningen ka sta inporta ku mi.*
N ka ten pa undi fuji.
Ningen ka sta preokupa ku mi.*
5 Ó Jeová, N ta txoma-u pa bu djuda-m.
N ta fla: “Abo é nha proteson,
Abo é tudu kel ki N ten na vida.”*
6 Presta atenson na nha gritu di ajuda,
Pamodi N sta txeu dizanimadu.
Libra-m di kes algen ki sta pirsigi-m,
Pamodi es é más fórti di ki mi.
7 Tra-m di kel lugar li ki é sima un kadia
Pa N pode lova bu nómi.
Pa kes algen justu djunta na nha vólta
Pamodi bu ta trata-m ku bondadi.