Salmu

24 Téra i tudu kuza ki ten na el é di Jeová,

Sin, téra* i tudu kes ki ta mora na el.

 2 Pamodi el fíksa téra riba di mar

I el pô-l ta fika firmi riba di riu.

 3 Ken ki pode subi pa monti di Jeová,

I ken ki pode fika di pé na se lugar santu?

 4 Kel ki ten mô inosenti i korason puru,

Ki ka faze un juramentu falsu na Nha nómi,*

I ki ka jura ku intenson di ingana algen.

 5 El ta ben resebe benson di Jeová,

I Deus di se salvason ta ben fla ma el é justu.

 6 Kel-li é kel jerason di kes ki sta djobe orientason di Deus,

Di kes ki krê dexa-u kontenti,* ó Deus di Jakó. (Selá)

 7 Ó portons, nhos bira más altu.

Ó kes entrada antigu, nhos bira más largu,*

Asi, pa Rei gloriozu entra!

Jeová é fórti i poderozu,

Jeová é poderozu na géra.

 9 Ó portons, nhos bira más altu.

Ó kes entrada antigu, nhos bira más largu,

Asi, pa Rei gloriozu entra!