Salmu
Un múzika di kes fidju di Korá. Kántiku.
87 Deus faze se sidadi na kes monti santu.
2 Jeová ta ama kes porton di Sion
Más di ki tudu kes ténda di Jakó.
3 Ó sidadi di Deus verdaderu, pesoas ta fla kuzas bunitu sobri bo. (Selá)
4 N ta ben inklui Raabe* i Babilónia na meiu di kes nason ki konxe-m.*
Tanbê Filístia, Tiru i Kuxe sta entri kes ki konxe-m.
Algen ta fla: “Kel algen li nase la.”
5 I sobri Sion pesoas ta ben fla:
“Tudu es nase la.”
I kel Deus Más Grandi ta ben poi Sion ta fika firmi.
6 Óras ki Jeová rejista povu, el ta ben fla:
“Kel-li nase la.” (Selá)
7 Kes ki ta kanta i ta badja* ta ben fla:
“Tudu kes kuza bon ki nu resebe ben di bo.”*