Salmu

 2 Pamodi N fla: “Bu amor lial ta fika di pé* pa tudu ténpu,

I bu lialdadi ta dura pa tudu ténpu sima séu.”

 3 “N faze un kontratu ku Davidi, nha sérvu ki N skodje.

N jura:

 4 ‘N ta ben dexa bu disendenti* fika pa tudu ténpu,

I N ta ben poi bu tronu ta fika di pé pa tudu jerason.’” (Selá)

 5 Ó Jeová, séu ta lova-u pa kes kuza bunitu ki bu faze,

I kongregason di kes santu ta lova-u pa bu lialdadi.

 7 Deus é txeu ruspetadu na grupu* di kes santu.

El é grandi i el ta poi tudu algen na se vólta dimiradu.

 8 Ó Jeová, Deus di izérsitu,

Ken ki é poderozu sima bo, ó Jeová?*

 9 Bu ta kontrola mar brabu.

Bu ta kalma ses óndia óras ki es ta labanta.

11 Séu é di bo i téra é di bo.

Téra ki ta da kumida i tudu kuza ki ten na el, é bo ki faze.

12 Nórti i sul é bo ki faze.

Monti Tabor i monti Ermon ta lova bu nómi ku alegria.

13 Bu brasu é poderozu.

Bu mô é fórti.

Bu mô direita sta labantadu.

14 Bu ta governa ku justisa i bu ta faze kel ki é rétu.

Amor lial i lialdadi sta bu dianti.

16 Dia interu es ta fika kontenti ku bu nómi,

I pamodi bu justisa es ta dadu ónra.

17 Bu ta poi bu povu ta fika fórti i bu ta da-s ónra.

I dja ki bu sta kontenti ku nos, nos forsa sta ta bira más txeu.

18 Pamodi nos skudu ta ben di Jeová,

I nos rei ta ben di kel Santu di Israel.

“N da un trópa balenti forsa.

N da ónra pa un algen ki N skodje na meiu di povu.

20 N atxa Davidi, nha sérvu.

N baza nha óliu sagradu riba di el pa N skodje-l.

21 Nha mô ta ben apoia-l,

I nha brasu ta ben da-l forsa.

22 Ninhun inimigu ka ta ben obriga-l paga taxa,

I ninhun ómi injustu ka ta ben maltrata-l.

23 N ta ben dispadasa ses inimigu se dianti

I N ta ben mata kes ki ta odia-l.

24 N ta ben mostra-l nha lialdadi i nha amor,

I se forsa ta bira más txeu* pamodi nha nómi.

25 N ta ben da-l autoridadi* riba di mar

I N ta ben da se mô direita autoridadi riba di riu.

26 El ta ben txoma-m i el ta fla-m: ‘Abo é nha Pai,

Nha Deus i Rótxa di nha salvason.’

27 I N ta ben pô-l ta ser nha primeru fidju,

Kel más grandi di kes rei di téra.

28 N ta ben kontinua ta mostra nha amor lial pa el pa tudu ténpu,

Nunka N ka ta ben viola kel kontratu ki N faze ku el.

29 N ta ben poi se disendenti ta dura pa tudu ténpu

I N ta ben poi se tronu ta dura sima séu.

30 Si ses fidju bandona nha lei

I es ka anda di akordu ku nhas instruson,*

31 Si es ka obi ku nhas régra

I es ka kunpri nhas mandamentu,

32 N ta ben kastiga-s ku un vara pamodi es ka obi*

I N ta ben sota-s pamodi ses éru.

33 Má nunka N ka ta ben dexa di mostra-l nha amor lial

Nen N ka ta ben dexa di kunpri nha promésa.*

34 N ka ta viola nha kontratu

I nen N ka ta muda kuzê ki nha bóka fla.

35 Dja ki mi é un Deus Santu, N jura di un bês pa tudu ténpu.

N ka ta konta Davidi mintira.

36 Se disendenti ta ben dura pa tudu ténpu.

Se tronu ta dura sima sol nha dianti.

37 Sima lua ki ta sta sénpri na séu sima un tistimunha fiel,

Asi tanbê se govérnu ta ben fika pa tudu ténpu.” (Selá)

38 Má é bo mê ki bandona-l i nega-l.

Bu fika txeu xatiadu ku kel algen ki bu skodje.

39 Bu nega kel kontratu ku bu sérvu.

Bu dizonra se koroa* kantu bu bota-l na txon.

40 Bu bota tudu ses paredi di pédra* na txon.

Bu distrui ses lugar di proteson.

41 Tudu kes ki ta pasa pa la ta panha-l ses kuza.

Ses vizinhu ta dispreza-l.

42 Bu poi ses inimigu ta ganha.*

Bu poi tudu ses inimigu ta fika kontenti.

43 Tanbê bu poi se spada ka ta sirbi,

I bu ka apoia-l na géra.

44 Bu kaba ku se glória

I bu bota se tronu na txon.

45 Bu pô-l ta bira bédju faxi

I bu bisti-l di vergónha. (Selá)

49 Ó Jeová, undi ki sta kes kuza ki bu faze antis pa bu mostra bu amor lial,

Kes kuza ki bu jura Davidi ku lialdadi ma bu ta fazeba?

50 Ó Jeová, lenbra di modi ki es ta insultaba bus sérvu,

Di modi ki N ten ki aguenta* insultu di tudu kes povu.

51 Ó Jeová, lenbra modi ki bus inimigu insulta bu sérvu ki bu skodje;

Pa undi ki el bai, es insulta-l.