Salmu
99 Jeová dja bira Rei. Pa kes povu treme.
El sta xintadu na se tronu riba* di kes kerubin. Pa téra sakudi.
2 Jeová é grandi na Sion,
El sta na un puzison más altu di ki tudu algen.
3 Pa pesoas lova bu nómi ki é grandi,
Pamodi bu nómi é santu i el ta poi pesoas ta ten grandi ruspetu pa el.
4 Abo é un rei poderozu ki ta ama justisa.
Sénpri bu ta faze kel ki é dretu.
Bu traze kel ki é justu i rétu pa Jakó.
6 Muizés i Aron staba na meiu di ses saserdóti,
I Samuel staba na meiu di kes ki ta uzaba se nómi na orason.
Es ta txomaba Jeová,
I el ta respondeba es.
7 El ta papiaba ku es la di kel kuluna di núven.
Es ta sigiba ses avizu i kes lei ki el ta daba es.
8 Ó Jeová, nos Deus, bu responde-s.
Bu purdua-s ses éru,
Má bu kastiga-s pamodi ses pekadu.
9 Nhos da Jeová, nos Deus, ónra
I nhos inbaxa dianti di se monti santu,
Pamodi Jeová, nos Deus, é santu.