Salmu
Salmu di Davidi. Kantu el finji ma el staba dodu na frenti di Abimeleki, i Abimeleki kóre ku el.
א [alefe]
34 N sta ben lova Jeová tudu óra.
N ka ta ben para di lova-l ku nha bóka.
ב [bete]
2 N* sta ben pâpia di Jeová ku orgulhu.
Kes algen mansu ta ben obi i es ta fika kontenti.
ג [gimel]
3 Nhos da Jeová glória djuntu ku mi.
Nu lova se nómi djuntu.
ד [dalete]
4 N pergunta Jeová i el responde-m.
El libra-m di tudu kuza ki ta pô-m ku medu.
ה [hê]
5 Filís é kes ki ta kunfia na el.
Ses róstu nunka ka ta fika na vergónha.
ז [zaine]
6 Kel ómi umildi li txoma, i Jeová obi-l.
El salva-l di tudu se frónta.
ח [ete]
ט [tete]
8 Nhos sprimenta i nhos odja ma Jeová é bon.
Filís é kel ómi ki ta djobe proteson na el.
י [iode]
9 Nhos tudu ki é santu di Jeová, nhos ten grandi ruspetu pa el,
Pamodi kes ki ten grandi ruspetu pa el ka ta xinti falta di nada.
כ [kafe]
10 Ti kes lion novu ki é fórti ta pasa fómi,
Má kes ki ta buska Jeová ka ta ben xinti falta di ninhun kuza bon.
ל [lamede]
11 Nhos ben, nhas fidju, nhos obi-m.
N ta inxina nhos modi ki nhos ta ten grandi ruspetu pa Jeová.
מ [meme]
12 Kal di nhos ki gosta di vida
I ki krê vive filís pa txeu ténpu?
נ [nune]
13 Nton, guarda bu língua di fla kuzas mariadu,
I bu bóka di pâpia mintira.
ס [sameke]
14 Disvia di kel ki é mariadu i faze kel ki é dretu.
Buska pas i inpenha pa el.
ע [aine]
15 Odju di Jeová sta ta odja kes algen ki é justu,
I se obidu ta obi ses gritu di ajuda.
פ [pê]
16 Róstu di Jeová é kóntra kes algen ki ta faze kuzas mariadu,
El ta paga tudu ses lenbransa di téra.
צ [tsade]
17 Kes algen justu grita, i Jeová obi-s.
El libra-s di tudu ses frónta.
ק [kofe]
ר [rexe]
ש [xin]
20 El ta proteje tudu ses osu.
Ninhun di es ka ta kebradu.
ת [tau]
21 Disgrasa ta ben poi algen mau ta móre.
Kes ki ta ôdia kes algen justu ta ben kondenadu.
22 Jeová ta salva vida di ses sérvu.
El ka ta kondena ningen ki djobe proteson na el.