Salmu
Mikton* di Davidi.
16 Ó Deus, proteje-m pamodi N djobe proteson na bo.
2 N ta fla Jeová: “Ó Jeová, abo é Fonti di tudu kuza bon na nha vida.
3 I kes santu ki sta na téra,
Ki é kes ki merese ónra, ta da-m txeu alegria.”
4 Kes algen ki ta djobe otus deus ta bira ses tristéza más txeu.
Nunka N ka ta oferese oférta di sangi pa otus deus.
Nen nha bóka ka ta fla ses nómi.
5 Jeová é nha párti,* nha eransa i nha kópu di benson.
Nha Deus, bu ta proteje nha eransa.
6 Kes lugar ki bu marka pa mi é sábi.
N sta kontenti ku nha eransa.
7 N ta ben lova Jeová, kel ki ta da-m konsedju.
Mésmu duránti noti, nhas pensamentu más profundu* ta koriji-m.
8 N ta mante Jeová sénpri nha dianti.
Nunka N ka ta kai, pamodi el sta na nha ladu direita.
9 Pur isu, nha korason sta kontenti i tudu kel ki mi é* sta filís.
I N ta vive na suguransa.
10 Bu ka ta ben dexa-m* na Sipultura.*
Bu ka ta ben dexa-m konxe kóba,* pamodi ami é lial pa bo.
11 Bu ta mostra-m kaminhu di vida.
Na bu prezénsa* ten txeu alegria.
Filisidadi sta na bu direita pa tudu ténpu.