Salmu
149 Nhos lova Jeová!*
Nhos kanta un kántiku novu pa Jeová.
Nhos lova-l na kongregason di kes ki é lial.
2 Pa Israel fika kontenti pamodi ses Grandiozu Kriador.
Pa kes fidju di Sion fika kontenti ku ses Rei.
4 Pamodi Jeová ta fika kontenti ku se povu.
El ta salva kes algen mansu.*
5 Pa kes ki é lial fika kontenti ku glória ki Deus ta da-s.
Pa es grita di alegria na ses kama.
6 Pa ses bóka kanta lovor pa Deus,
I pa es tene na mô un spada ki ta korta pa dôs ladu,
7 Pa vinga di kes nason
I pa kastiga kes povu.
8 Pa prende ses rei ku korenti
I ses ómi inportanti ku korenti di féru.
9 Pa faze julgamentu ki sta skrebedu kóntra es.
Tudu ses sérvu lial ta ben ten ónra di faze kel-li.
Nhos lova Jeová!