Salmu
Salmu di Davidi.
110 Jeová fla nha Sinhor:
“Xinta na nha direita,
Ti ki N poi bus inimigu dibaxu di bu pé.”*
2 Jeová ta ben da-u* autoridadi pa bu governa désdi Sion ti na otus lugar. El ta fla-u:
“Manda na meiu di bus inimigu.”
3 Bu povu ta ben oferese di livri vontadi na dia ki bu izérsitu ta pripara pa géra.
Kes jóven ki ta ben djuda-u é sima góta di orbadju ki ta forma óras ki ta manxe,
Es é santu i es é bunitu.
4 Jeová faze un juramentu i el ka ta muda di ideia:*
“Abo é saserdóti pa tudu ténpu
Sima Melkizideki!”
5 Jeová ta ben sta na bu direita.
El ta ben pila kes rei na dia di se raiba.
6 El ta ben julga i kastiga kes nason.
El ta ben intxi kel país di korpu di algen mortu.
El ta ben kaba ku líder di un país grandi.*
7 Na kaminhu, el* ta ben bebe agu di riu.
Pur isu, el ta ben sta ku se kabésa labantadu.