Jó

7 “Vida di ómi é ka sima trabadju forsadu?

I ses dia é ka sima di un trabadjador kontratadu?

 2 Sima un skravu, el ta tene gana pa sónbra ben,

I sima un trabadjador kontratadu, el ta spera pa el pagadu.

 3 Pur isu, pa txeu mês nha vida fika sen valor

I N fika na frónta pa txeu noti.

 5 Nha korpu sta xeiu di bitxu i di kaska suju.

Nha péli sta xeiu di frida i di pus.

 6 Nhas dia ta pasa más faxi di ki óras ki un teselon ta mexe se gudja,

I es ta txiga fin sen speransa.

 7 Lenbra ma nha vida é sima béntu,

Ma nhas odju nunka más ka ta odja filisidadi.*

 8 Kes odju ki sta ta odja-m gósi nunka más ka ta ben odja-m.

Bus odju ta ben djobe-m, má N ka ta ben izisti más.

 9 Sima núven ki ta disfaze i ta dizaparse,

Ken ki ta dixi pa Sipultura* ka ta torna subi.

10 El ka ta torna volta pa se kaza más,

I se lugar ka ta ben rekonhese-l más.

N ta ben pâpia pamodi nha spritu sta angustiadu.

N ta ben kexa na nha amargura!*

12 Pur akazu ami é mar ô un monstru di mar,

Pa bu poi un guarda pa djobe-m?

13 Óras ki N fla: ‘Nha kama ta ben konsola-m.

Nha kama ta ben djuda-m alivia nha sufrimentu’,

14 Nton, bu ta pô-m ta sunha ku kuzas ki ta da-m txeu medu,

I bu ta pô-m ta ten vizon ki ta susta-m.

15 Pur isu, N* ta prifiri móre sufokadu.

N ta prifiri móre di ki vive ku kel korpu li.*

17 Kuzê ki é ómi pa bu preokupa ku el

I pa bu presta atenson* na el?

18 Pamodi ki bu ta izamina-l tudu palmanhan

I bu ta pô-l na próva tudu óra?

19 Pamodi ki bu ka ta tra bu odju di mi

I bu ka ta da-m nen ténpu pa N inguli nha kuspinhu?*

21 Pamodi ki bu ka ta púrdua nha pekadu

I bu ka ta dexa nha éru pasa?

Ka ta dura N ta ben deta na téra.

Bu ta ben djobe-m, má N ka ta ben izisti más.”