Salmu
Salmu di Davidi.
א [alefe]
25 Ó Jeová, é na bo ki N ta pidi ajuda.*
ב [bete]
2 Nha Deus, N ta kunfia na bo.
Ka bu dexa-m pasa vergónha.
Ka bu dexa nhas inimigu fika kontenti na nha kusta.
ג [gimel]
3 Di serteza tudu kenha ki ta poi speransa na bo ka ta pasa vergónha,
Má kes ki ta trai algen sen motivu ta ben pasa vergónha.
ד [dalete]
ה [hê]
5 Djuda-m anda na bu verdadi i inxina-m,
Pamodi abo é Deus di nha salvason.
ו [vau]
Dia interu nha speransa é na bo.
ז [zaine]
6 Ó Jeová, lenbra ma bo é un Deus ki ten mizerikórdia,
I ma sénpri* bu mostra amor lial pa bu povu.
ח [ete]
7 Favor, skese di kes pekadu ki N faze na nha juventudi i di nhas éru.
Ó Jeová, lenbra di mi di akordu ku bu amor lial,
Pamodi bu bondadi.
ט [tete]
8 Jeová é bon i rétu.
É pur isu ki el ta inxina kes pekador modi ki el krê pa es vive.
י [iode]
9 El ta ben inxina kes algen mansu faze kel ki é dretu,*
I el ta ben inxina kes algen mansu anda na se kaminhu.
כ [kafe]
10 Tudu kel ki Jeová ta faze ta mostra se amor lial i ma el é fiel
Pa kes algen ki ta kunpri se kontratu i ki ta obi ku ses avizu.
ל [lamede]
11 Pamodi bu nómi, ó Jeová,
Púrdua nha pekadu, enbóra el é gravi.
מ [meme]
12 Ken ki é kel ómi ki ten grandi ruspetu pa Jeová?
El ta mostra-l ki kaminhu ki el debe skodje.
נ [nune]
ס [sameke]
14 Jeová é txeu amigu di kes algen ki ten grandi ruspetu pa el,
I el ta dexa-s konxe se kontratu.
ע [aine]
15 Nhas odju sénpri ta djobe pa Jeová,
Pamodi el ta ben libra nha pé di armadilha.*
פ [pê]
16 Favor, djobe pa mi i ten péna di mi,
Pamodi N sta mi sô i sen ajuda.
צ [tsade]
17 Frónta di nha korason dja bira txeu;
Liberta-m di nhas preokupason.
ר [rexe]
18 Odja nha sufrimentu i nha disgrasa,
I purdua-m di tudu nhas pekadu.
19 Odja modi ki nhas inimigu é txeu
I modi ki es ten txeu ódiu di mi.
ש [xin]
20 Proteje nha vida* i salva-m.
Ka bu dexa-m pasa vergónha, pamodi N djobe proteson na bo.
ת [tau]
21 Proteje-m, pamodi ami é lial i N ta faze kel ki é dretu,
I N poi nha speransa na bo.
22 Ó Deus, salva* Israel di tudu ses sufrimentu.