BIBLIOTÉKA NA INTERNET di Tori di Vijia
BIBLIOTÉKA NA INTERNET
di Tori di Vijia
Kabuverdianu
  • BÍBLIA
  • PUBLIKASONS
  • RUNIONS
  • g22 nunbru 1 pp. 10-12
  • 3 | Proteje bus amizadi

Ka ten vídiu na kel párti li.

Diskulpa, tevi un éru na abri vídiu.

  • 3 | Proteje bus amizadi
  • Nhos korda! — 2022
  • Subtémas
  • Mésmu asuntu
  • PAMODI KI KEL-LI É INPORTANTI
  • Kuzê ki bu debe sabe
  • Kuzê ki bu pode faze gósi
  • Skodje bus amigu dretu
    Vive filís pa tudu ténpu! — Un livru pa studa Bíblia
  • Na kel revista li!
    Nhos korda! — 2022
  • Pai ku mai, nhos djuda nhos fidjus ama Jeová
    Sentinéla ta aviza ma Reinu di Deus dja sta ta governa (Sentinéla di studu) — 2022
  • Mai ku pai, nhos trena nhos fidjus pa ama Jeová
    Sentinéla ta aviza ma Reinu di Deus dja sta ta governa (Sentinéla di studu) — 2019
Odja más
Nhos korda! — 2022
g22 nunbru 1 pp. 10-12
Un kazal di idadi kontenti ta brasa kunpanheru.

UN MUNDU XEIU DI PRUBLÉMA

3 | Proteje bus amizadi

PAMODI KI KEL-LI É INPORTANTI

Algen sta kada bês más preokupadu pamodi kel mundu li sta xeiu di prubléma. Pur isu, txeu algen sen krê ta dexa ses prubléma prujudika ses amizadi ku otus algen.

  • Pesoas ta afasta di ses amigus.

  • Kes ki sta kazadu ta diskuti kada bês más txeu.

  • Pai ku mai ka ta liga ô kuazi ka ta da atenson pa preokupasons di ses fidjus.

Kuzê ki bu debe sabe

  • Amigus é txeu inportanti pa djuda-u ten bon saúdi i mante kalmu, prinsipalmenti na ténpus difísil.

  • Preokupasons ki kel mundu li ta poi algen ku el, pode afeta bu família di manera ki nen bu ka sta spéra.

  • Kes notísia tristi pode afeta bus fidju mutu más di ki kel ki bu ta imajina.

Kuzê ki bu pode faze gósi

Bíblia ta fla: ‘Un amigu di verdadi ta ama tudu óra i el é un irmon ki nase pa ténpu di frónta.’ — Provérbios 17:17.

Pensa na un algen ki pode djuda-u i da-u bons konsedju. Sô di sabe ma ten un algen ki ta preokupa ku bo, pode djuda-u ten forsa pa bu aguenta kes difikuldadi di dia-dia.

KUZÊ KI NU PODE FAZE — Kuzas ki pode djuda-nu

Na ténpus di frónta, faze kes kuza li pa bu proteje bus amizadi

BIRA BU KAZAMENTU MÁS FÓRTI

Un kazal di idadi kontenti ta brasa kunpanheru.

Bira bu kazamentu más fórti

Bíblia ta fla: ‘Dôs é midjór ki un. Pamodi, si un di es kai, kel otu ta djuda se kunpanheru labanta’. (Eclesiastes 4:9, 10) Maridu ku mudjer debe ser sima un pilotu ku se ajudanti ki ta trabadja djuntu pa txiga na kel mésmu lugar, envês di ser sima dôs pilotu na dôs avion di géra ta tenta kaba ku kunpanheru.

  • Nhos sta disididu na ka diskonta nhos raiba ô nhos prublémas na kunpanheru. Ten paxénxa i poi na lugar di kunpanheru ta faze tudu diferénsa.

  • Peloménus un bês pa simana, nhos pâpia ku kunpanheru sobri kalker prubléma ki nhos meste rezolve. Nhos lenbra di ataka kes prubléma, envês di ataka kunpanheru.

  • Nhos ranja ténpu pa faze kes kuza ki nhos dôs gosta, i nhos faze-s djuntu.

  • Nhos lenbra di kes bon momentu ki nhos pasa djuntu. Talvês nhos pode odja fotus di nhos kazamentu ô di otus momentu sábi ki nhos pasa djuntu.

“Un kazal pode ka konkorda na tudu kuza, má kel-li ka krê fla ma es ka pode trabadja sima un ekipa. Un maridu ku un mudjer pode toma un disizon djuntu i dipôs es pode trabadja djuntu pa kel disizon da sértu.” — David.

MANTE BUS AMIZADI

  • Mudjeris di rasa diferenti ta ri i ta pasa ténpu ku kunpanheru.

    Mante bus amizadi

    Alén di resebe ajuda di bus amigu, pensa tanbê modi ki bu pode djuda-s. Óras ki bu ta djuda otus bu ta djuda bu kabésa tanbê.

  • Pâpia ku alguns di bus amigu tudu dia pa sabe modi ki es sta.

  • Pergunta bus amigu si es sta ta pasa pa alguns prubléma sima di bo i modi ki es sta ta lida ku es.

“Óras ki bu sta pasa pa situasons difísil na vida, bus amigu pode ser di txeu ajuda. Es pode mostra-u kal ki é kaminhu sértu pa bu sigi, mésmu ki é sô pa lenbra-u di kuzas ki dja bu sabe. Bus amigu ta nporta ku bo i es sabe ma bu ta nporta ku es tanbê.” — Nicole.

DJUDA BUS FIDJU

Un pai ku un mai djuntu ku ses dôs fidju xintadu na un kais di madera ta dimira un paizaji na ses vólta.

Djuda bus fidju

Bíblia ta fla: ‘Tudu algen debe sta prontu pa obi, má ka debe pâpia faxi’. (Tiago 1:19) Talvês na komésu, bus fidju pode ka krê pâpia di ses medu i preokupasons. Má, si bu obi-s ku paxénxa bu pode djuda-s abri ku bo.

  • Djuda bus fidju xinti avontádi pa pâpia ku bo sobri kuzê ki es sta ta xinti. Alguns kriansa ten difikuldadi na fla kuzê ki es ta xinti, óras ki es ta sta kara-kara ku ses pai ô ku ses mai. Talvês es ta atxa más fásil faze kel-li na un momentu más diskontraídu, sima óras ki es sta ta anda di karu ô na pâsia ku ses pai i ku ses mai.

  • Toma kuidadu pa bus fidju ka odja txeu notísia sobri kuzas mariadu ki sta ta kontise.

  • Fla bus fidju kuzê ki bu sta faze pa bu proteje bu família.

  • Faze un planu ku bus fidju sobri kuzê ki nhos pode faze si kontise un imerjénsia, i trena ku es sobri modi ki nhos pode sigi kel planu.

“Nhos pâpia ku nhos fidjus i nhos dexa-s fla nhos modi ki es sta ta xinti. Pode ser ki es sta ku medu, preokupadu ô ku raiba i ta krê sukundi kel-la di nhos. Ka bu xinti vergónha di fla-s ma bo tanbê bu ta xinti mésmu kuza. Má tanbê, fla-s kuzê ki bu ta faze pa lida ku kel-la.” — Bethany.

Un párti di vídiu “Você Pode Ter Uma Familia Feliz.” Un kazal filís ku mô dadu ta anda na un strada.

SABE MÁS. Odja vídiu “A Sua Família Pode Ser Feliz!”.

    Publikasons na kabuverdianu (1993 ti 2025)
    Sai di bu kónta
    Entra ku bu kónta
    • Kabuverdianu
    • Manda pa otu algen
    • Konfigurasons
    • Copyright © 2025 Watch Tower Bible and Tract Society of Pennsylvania
    • Régras di uzu
    • Régras di privasidadi
    • Configurações de Privacidade
    • JW.ORG
    • Entra ku bu kónta
    Manda pa otu algen