Intruduson

Txeu bês, pesoas ka ta mostra ruspetu pa otus algen, pur isu óras ki un algen ta mostra ruspetu es ta fika dimiradu.

Pur izénplu, maioria di algen ka ta mostra txeu ruspetu pa ses pai ku ses mai, pa kes algen ki dja sta di idadi i tanbê pa pulísia, pa ses patron i pa profesoris. Alén di kel-li, kada bês más, pesoas ka sta ta mostra ruspetu na kes komentáriu ki es ta faze sobri otus algen na internet. Di akordu ku un artigu di un revista,a pesoas sta ta mostra kada bês más falta di ruspetu pa otus algen. Kel artigu tanbê ta fla ma pesoas sta ta pâpia txeu sobri falta di ruspetu.