Atxa jóias na Bíblia ki bu pode aplika na bu vida

Na nos leitura di Bíblia, nu pode djobe jóias óras ki nu ta piskiza. Má modi ki nu pode tra más pruvetu?

Presta atenson na kes stória di Bíblia. Pur izénplu, djobe ken ki skrebe kel stória, pa kenha ki el skrebe-l i na ki ténpu ki el skrebedu. Kal ki éra situason, kuzê ki kontise antis i kuzê ki kontise dipôs?

Pensa na kes lison ki bu pode prende. Bu pode faze kes pergunta li: “Modi ki kes algen di kel stória xinti? Ki kualidadis es mostra? Pamodi ki N debe imita ô ivita kes kualidadi?”

Faze sima bu prende na bu trabadju di pregason ô na manera ki bu ta trata otus algen na bu dia-dia. Si bu faze kel-li, bu ta mostra sabedoria, i sima Bíblia ta fla: ‘Ken ki ten sabedoria ta pensa na kes kuza li’. — Sal. 107:43.

• Sujiston: Kes informason ki nu ta atxa na Tizorus di Palavra di Deus na runion di meiu simana, ta djuda-nu pensa na modi ki nu pode aplika kuzê ki nu prende. Kel párti li ten perguntas ki nu pode faze pa nos kabésa, kuzas ki nu pode midita na el i fotus ô dizenhus ki nu pode analiza.