Pekadus ki purduadu antis di resgati

Nos pekadus pode purduadu sô através di sakrifisiu di resgati ki Jizus paga ku se sangi. (Efé. 1:7) Má, Bíblia ta fla: “[Deus] mostra paxénxa i el púrdua pekadus ki fazedu na pasadu”, kel-li krê fla antis di Jizus paga sakrifisiu di resgati. (Rom. 3:25) Modi ki Jeová pode purduaba pekadus antis di Jizus paga resgati i kontinua ta ser un Deus di justisa?

Pa Jeová, resgati pagadu na kel momentu ki el disidi da un ‘disendenti’ ki ta ba salvaba kes algen ki ta sirbi-l. (Gén. 3:15; 22:18) Deus tinha serteza ma na ténpu sértu, se úniku fidju ta ben pagaba resgati di livri vontadi. (Gál. 4:4; Ebr. 10:7-10) Timenti Jizus staba na téra ta reprizenta Jeová, el tinha autoridadi di púrdua pekadus antis di el pagaba resgati. El faze kel-li pamodi el sabia ma sakrifisiu ki el ta ba fazeba ta ba kubriba pekadus di tudu kes algen ki ten fé. — Mat. 9:2-6.