Modi ki nu pode obi ku Deus?

Deus ta uza Bíblia pa pâpia ku nos. 2 Timóteo 3:16

Deus verdaderu orienta ómis pa skrebe se ideias na un livru sagradu. Es livru é Bíblia. El ten asuntus inportanti ki Deus krê pa bu sabe.

Deus sabe kuzê ki é midjór pa nos i tudu sabedoria ta ben di el. Si bu obi ku Deus, bu ta bira un algen ki sabe txeu. — Provérbios 1:5.

Deus krê pa tudu algen lé Bíblia. Bu pode le-l na txeu língua.

Si bu krê obi ku Deus, bu ten ki lé i ntende Bíblia.

Milhons di algen na mundu interu sta ta obi ku Deus. Mateus 28:19

Tistimunhas di Jeová pode djuda-u ntende Bíblia.

Es ta inxina verdadis di Deus na mundu interu.

Bu ka meste paga nada pa studa Bíblia. Tanbê bu pode prende di Deus na un Salon di Reinu di Tistimunhas di Jeová más pértu di bu kaza.