STUDU 4

Kuzê ki bu ta fla antis di lé testus di Bíblia

Mateus 22:41-45

REZUMU: Pripara menti di algen antis di lé un testu di Bíblia.

Disidi pamodi ki bu krê lé un testu. Kuzê ki bu ta fla antis di bu lé kada testu di Bíblia debe djuda algen ntende kel pontu ki bu krê distaka na kel versíklu.

Djobe kes versíklu antis i dipôs. Konfirma dretu kenha ki sta ta pâpia na kel testu i kenha ki skrebe kes livru di Bíblia.
Mostra ma bu ta inxina ku bazi na Bíblia. Óras ki bu sta pâpia ku algen ki ta kridita na Deus, mostra-l ma Bíblia é Palavra di Deus, pa el pode odja ma kel ki bu sta inxina é pensamentus di Deus.
Kria interesi pa kel testu di Bíblia. Faze un pergunta ki Bíblia ta responde, pâpia di un prubléma ki Bíblia ta djuda rezolve ô mostra un prinsípiu ki un stória di Bíblia ta inxina.

Pensa na kuzê ki algen dja sabe di kel asuntu i di kel testu di Bíblia. Mésmu ki é un testu konxedu, fla algun kuza antis di bu lé kel testu ki ta txoma atenson pa el i ki ta djuda-s pensa na kel testu ô ntende-l di otu manera.