STUDU 13

Mostra klaru kal ki é valor di informason

Provérbios 3:21

REZUMU: Djuda kes algen ntende modi ki kel informason ta djuda-s na ses vida i mostra-s kuzê ki es pode faze ku kuza ki es prende.

Pensa na kes algen. Pensa na pamodi ki kes algen meste obi kel matéria ki bu sta inxina, i analiza ki párti di kel matéria ki más ta djuda-s.
Duránti bu aprizentason mostra kes algen kuzê ki es debe faze. Désdi komésu, kada algen debe pensa, ‘kel-li é pa mi’. Sima bu ta ba ta pâpia di kada pontu prinsipal, mostra modi ki nu debe aplika-l. Envês di da vólta txeu, pâpia di manera dirétu.

Splika modi ki es ta aplika prinsípius di Bíblia. Faze-l ku amor i di un manera ki ta mostra kes algen ma bu ta ntende kuzê ki es ta xinti. Envês di pô-s ta xinti kulpadu, djuda-s bira ses amor i fé más fórti i mostra ma bu ta kridita ma ses korason ta motiva-s faze kuzas dretu.