STUDU 15

Pâpia ku sertéza

1 Tessalonicenses 1:5

REZUMU: Mostra klaru ma bu ta kridita na verdadi i ma kel ki bu sta fla é inportanti.

Pripara dretu. Studa matéria dretu ti ki bu ntende kal ki é kes ideia prinsipal i modi ki Bíblia ta prova ma es é verdadi. Tenta fla kes pontu prinsipal di bu aprizentason di manera sinplis i na poku palavras. Konsentra na modi ki kel matéria ta djuda algen. Faze orason pa pidi spritu santu.

Trena bu aprizentason ku vós altu pa bu fika ku matéria na kabésa i midjora bu aprizentason.
Uza palavras ki ta mostra ma bu ten sertéza. Envês di ripiti kel matéria sima sta na publikason, uza bus palavra. Uza palavras ki ta mostra ma bu ten sertéza di kuzê ki bu sta fla.
Pâpia asériu i di korason. Pâpia di manera ki ta da pa obi dretu. Na lugar undi ki é normal, djobe algen na róstu.

Ka bu konfundi pâpia ku sertéza ku pâpia di un manera ki pode ofende, ser temozu ô insisti. Mésmu óras ki bu ta pâpia asériu, trata algen ku amor.