Pâpia ku ruspetu

Kuzê ki Paulu faze

VÍDIU: Paulu prega pa kes algen di Atenas

1. Odja VÍDIU, ô lé Atus 17:22, 23. Dipôs pensa i responde kes pergunta li:

1. Modi ki Paulu xinti kantu el odja kes kuza di relijion falsu na Atenas? — Odja Atus 17:16.

2. Envês di kritika kes algen di Atenas, modi ki ku ruspetu Paulu uza ses krénsas pa pâpia ku es di notísias sábi?

Kuzê ki nu ta prende ku Paulu?

2. Ten más xansi di pesoas obi-nu si nu skodje ku kuidadu kuzê ki nu ta fla, modi ki nu ta fla i na ki óra ki nu ta fla.

Imita Paulu

3. Skodje bus palavra ku kuidadu. Pur izénplu, óras ki bu ta pâpia ku un algen ki ka konxe Bíblia i nen kes relijion kriston, talvês bu meste muda bu manera di kumesa ta pâpia di Bíblia ô di Jizus.

4. Ka bu koriji kel algen lógu. Dexa-l pâpia avontádi. Si el fla algun kuza ki ka sta di akordu ku Bíblia, ka bu tenta koriji-l lógu. (Tia. 1:19) Óras ki bu ta obi-l, bu ta konsigi intende na kuzê ki el ta kridita i pamodi ki el ta kridita na kel-la. — Pro. 20:5.

5. Sénpri ki ta da konkorda ku kel algen i ilojia-l. El pode kridita di korason ma kel ki se relijion ta inxina é verdadi. Pur isu, tenta pâpia di algun asuntu ki nhos dôs ta konkorda ku el i dipôs djuda-l intende poku-poku kuzê ki Bíblia ta inxina.