Modi ki ta uzadu folhetu Ken ki sta ta faze vontadi di Jeová gósi?

Folhetu Ken ki sta ta faze vontadi di Jeová gósi? é un di kes publikason ki nu ta uza pa studa ku studantis na komésu i na fin di un studu di Bíblia.a Lison 1 ti 4 ta djuda studantis sabe midjór ken ki é Tistimunhas di Jeová, lison 5 ti 14 ta djuda-s sabe más sobri nos atividadis i lison 15 ti 28 ta mostra-s kuzê ki nos organizason ta faze. Si ka ten ninhun asuntu ki nu ten ki splika studanti na kel dia, é midjór nu studa kes lison pa órdi ki sta na folhetu. Kada lison ten sô un pájina i nu pode studa-s ku kuazi tudu studanti na 5 ti 10 minutu.

• 

  Distaka pergunta ki sta na téma di kada lison

• Nhos lé lison djuntu, tudu di un bês ô pa párti

• Analiza sô kel párti ki nhos lé. Uza kes pergunta na fin di pájina i kes fótu. Lé i splika kes testu di Bíblia ki ta aplika midjór. Mostra ma kes subtéma ta responde kel pergunta di téma

• Si na kel lison ten kuadru “Sabe Más”, nhos le-l djuntu i insentiva studanti pa sigi kes konsedju ki sta la