Poi na lugar di otus

Poi na lugar di otus é kapasidadi di konsigi ntende kuzê ki otus algen ta pensa, kuzê ki es ta xinti, kuzê ki es meste i kuzê ki é más inportanti pa es. É fásil otus algen da kónta ma nu sta poi na ses lugar i kel-li ta kontise óras ki nu krê djuda-s di verdadi. Óras ki nu sta na pregason i nu ta poi na lugar di otus, nu ta mostra kes algen ma Jeová ta ama-s, ma el ta kuida di es i kel-li ta poi pesoas ta krê konxe-l. — Fil 2:4.

Poi na lugar di otus é ka sô un manera di inxina, má el ta nvolve modi ki nu ta obi i pâpia ku kel algen. Tanbê nu pode mostra kel-la através di nos atitudi, nos rostu i pa jéstus ki nu ta faze. Nu ta faze kel-li óras ki nu ta preokupa di verdadi ku algen. Nu ta pensa na ses situason, na kuzê ki ta interesa-s i na kuzê ki es ta kridita na el. Nu ta da-s informason i ajuda ki es meste, má nu ka ta faze-s preson pa es muda. Nu ta fika más kontenti inda, óras ki kes algen ki nu ta pâpia ku es ta seta nos ajuda.

ODJA VÍDIU XINTI ALEGRIA NA TRABADJU DI FAZE DISIPLUS — MIDJORA BU MANERA DI INXINA — POI NA LUGAR DI OTUS. DIPÔS RESPONDE KES PERGUNTA LI:

• 

  Kantu Jael txiga atrazadu na studu, modi ki Nádia poi na se lugar?

• 

  Modi ki Nádia poi na lugar di Jael, kantu ki el fla-l ma kel óra el ka staba ku kabésa pa studa?

• 

  Modi ki Nádia poi na lugar di Jael, kantu ki el fla-l ma el é ka mutu organizada?