Pripara bu korason

Óras ki nu ta studa Bíblia, nu krê pa pensamentus di Jeová afeta nos manera di pensa, nos sentimentu i nos dizeju. Esdras da un bon izénplu na kel sentidu li, kantu el ‘pripara se korason pa piskiza Lei di Jeová’. (Esd. 7:10) Modi ki nu pode pripara nos korason?

Faze orason. Faze orason antis di bu kumesa kada studu. Pidi Jeová pa djuda-u intende i faze sima bu prende. — Sal. 119:18, 34.

Ser umildi. Deus ta sukundi verdadi di kes algen ki é orgulhozu i ki ta atxa ma es ka meste di se ajuda pa es intende Bíblia. (Luk. 10:21) Tanbê, nu ka krê studa sô pa nu mostra otus algen ma nu sabe txeu. Óras ki nu prende ma nu debe faze mudansas, nu krê ser umildi i faze kes mudansa.

Tenta obi un kántiku di Reinu. Múzika pode afeta kuzê ki nu ta xinti. Nton, si nu obi un kántiku di Reinu antis di nu studa, kel-la pode djuda-nu konsentra na Jeová, asi pa kes kuza ki nu ta ba prende toka nos korason.