Saúdi — Kuzê ki Reinu di Deus ta ben faze

“Sô pamodi COVID-19 ka sta prujudika saúdi di algen na mundu interu, kel-li ka krê fla ma ka ta ben otu kuza ki ta prujudika saúdi di pesoas na mundu interu.. . . Nu pode ten serteza ma ta ben otu tipu di duénsa ki ta spadja i nu meste sta priparadu.” — Dr. Tedros Adhanom Ghebreyesus, diretor-jeral di Organizason Mundial di Saúdi, 22 di maiu di 2023.

Txeu algen oji sta ta sufri pamodi COVID-19 prujudika ses korpu i ses menti. Má govérnus i kes organizason ki ta kuida di saúdi di pesoas sta priparadu pa lida ku prósimu duénsa ki ta spadja, i es ta pode djuda-nu lida dretu ku kes prubléma di saúdi ki ten gósi?

Bíblia ta pâpia di un govérnu ki ta ben kuida di nos saúdi di manera ki nu meste. El ta fla ma ‘Deus di Séu ta ben traze un reinu’, ô un govérnu. (Daniel 2:44) Dibaxu di kel govérnu, ‘ningen ki ta mora la ka ta fla: “N sta duenti.”’ (Isaías 33:24) Tudu algen ta ben ten bon saúdi i forsa, sima kantu es éra jóven. — Jó 33:25.