Faze amizadis pode djuda-u ka xinti bo sô — Modi ki Bíblia pode djuda-u?

Na anu 2023, spesialistas na ária di saúdi fla ma solidon é un prubléma gravi di saúdi i ma es meste faze algun kuza pa rezolve-l. Kel prubléma li ten un soluson?

• ‘Óras ki nu sta xinti nos sô i nu ka krê sta djuntu ku otus algen, kel-li pode prujudika nos saúdi i nos filisidadi. Má, nu pode rezolve kel prubléma li óras ki nu ta faze kuzas pikinoti tudu dia pa nu bira nos amizadi ku otus algen más fórti.’a — Dotor Vivek Murthy, Diretor Jeral di Saúdi Públiku na Mérka.

É ka sô óras ki nu sta nos sô ki nu ta xinti solidon. Alguns algen pode xinti es sô sikrê es sta na meiu di txeu algen. Ka ta inporta pamodi ki nu sta xinti nos sô, Bíblia pode djuda-u?. El ten konsedjus ki pode djuda-nu bira nos amizadi ku otus algen más fórti i ka xinti nos sô.

Konsedjus di Bíblia ki pode djuda-nu

Sabe pâpia dretu ku otus algen. Kel-li krê fla ma bu ka ta sô pâpia sobri kuzê ki bu sta xinti, má tanbê bu ta obi otus algen ku atenson. Kantu más interesi bu mostra pa otus algen, más fórti nhos amizadi ta fika.

• Konsedju di Bíblia: “Ka nhos djobe sô nhos própi interesi, má nhos djobe interesi di otus algen tanbê.” — Filipensis 2:4.

Faze amizadi ku pesoas diferenti. Sforsa pa bu faze amizadi ku kes algen ki é más grandi ki bo ô más jóven ki bo. Tanbê, faze amizadi ku pesoas di kultura ô país diferenti di bo.

• Konsedju di Bíblia: “Nhos abri nhos korason más txeu”. — 2 Koríntius 6:13.

Pa bu sabe más sobri modi ki bu pode faze bons amizadi ku otus algen, lé artigu “Satisfazer a sede de amizades”.