Djuda otus algen ta djuda-u ka xinti bo sô — Kuzê ki Bíblia ta fla

Pesoas na mundu interu ta xinti es sô i lonji di otus algen. Alguns spesialista na ária di saúdi ta atxa ma djuda otus algen é un manera di ka xinti si.

• “Djuda kes algen ki meste di ajuda pode pô-nu ta xinti ma nos vida ten obijetivu i pode djuda-nu ka xinti nos sô ô lonji di otus algen.” — Institutu Nasional di Saúdi di Mérka.

Bíblia ten bons konsedju sobri kuzê ki nu pode faze pa djuda otus algen. Sigi kes konsedju pode djuda-nu ka xinti nos sô.

Kuzê ki bu pode faze

Ser un algen ki gosta di da. Djobe maneras di pasa más ténpu ku otus algen, prinsipalmenti kara-kara. Sta dispostu na dividi ku otus algen kes kuza ki bu ten. Óras ki bu faze si, normalmenti es ta xinti gratidon i kel-li pode djuda pa nhos bira amigu.

• Konsedju di Bíblia: “Nhos da, i algen ta da nhos.” — Lukas 6:38.

Uza bu ténpu pa djuda otus. Djobe maneras di djuda kes algen ki sta pasa pa prublémas. Kel-li pode inklui obi-s ku atenson ô oferese pa djuda-s faze kuzas ki pode bira ses vida más fásil.

• Konsedju di Bíblia: ‘Un amigu di verdadi ta ama tudu óra’. — Provérbios 17:17.

Pa bu sabe más sobri modi ki bu pode mante bons amizadi ku otus algen, lé artigu “Vida familiar e amizades.”