Salmu
43 Ó nha Deus, julga-m,
Difende nha kazu kóntra un nason infiel.
Salva-m di kes ómi mintirozu i mau.
2 Pamodi bo é nha Deus, nha proteson.
Pamodi ki bu nega-m?
Pamodi ki N ten ki anda tristi pamodi nha inimigu sta fronta-m?
3 Manda bu lus i bu verdadi.
Pa es gia-m,
Pa es leba-m pa bu monti santu i pa kel lugar ki bu ta mora.*
4 Nton N ta bai pa altar di Deus,
Pa Deus, ki é nha alegria más grandi.
I N ta lova-u ku arpa, ó Deus, nha Deus.
5 Pamodi ki N sta dizusperadu?
Pamodi ki N sta fadigadu si?
N ta spera na Deus,
Pamodi inda N ta ben lova-l: el é nha Grandiozu Salvador i nha Deus.